തിരൂര്‍: പ്രധാനമന്ത്രി പങ്കെടുത്ത ചടങ്ങില്‍ ശിരോവസ്ത്രം ധരിച്ചെത്തിയ ജനപ്രതിനിധികളെ തടഞ്ഞ സംഭവം നീതി നിഷേധവും അപലനീയവുമാണെന്ന് സാമൂഹ്യക്ഷേമ വകുപ്പ് സംസ്ഥാന അധ്യക്ഷ ഖമറുന്നീസ അന്‍വര്‍. തിരൂരില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അവര്‍. സ്ത്രീകളുടെ അവകാശങ്ങള്‍ സംരക്ഷിക്കപ്പെടുന്നതിനു പകരം അവരുടെ അവകാശങ്ങള്‍ ഹനിക്കപ്പെടുന്നത് വ്യാപകമാവുകയാണ്.
പീഡിപ്പിച്ചു കൊല്ലുന്നവര്‍ വരെ നിഷ്‌കളങ്കരെ പോലെ വിലസുന്നു. ഇവര്‍ക്ക് ശക്തമായ ശിക്ഷ നല്‍കാത്തത്  കുറ്റകൃത്യങ്ങള്‍ കൂടാന്‍ കാരണമായിട്ടുണ്ട്. പണത്തിന്റെ ബലത്തില്‍ അഭിഭാഷകര്‍  കാട്ടുന്ന കാട്ടാളത്തങ്ങള്‍ വേദനാജനകമാണെന്നും ഖമറുന്നീസ അന്‍വര്‍ പറഞ്ഞു.