വാഷിങ്ടണ്‍: ചൈനയില്‍ ജോലി ചെയ്യുന്ന യു.എസ് പൗരന്മാര്‍ അസാധാരണ ശബ്ദത്തെ സംബന്ധിച്ച് ജാഗ്രത പാലിക്കണമെന്ന് യു.എസ് മുന്നറിയിപ്പ്.
അവ്യക്തവും അസാധരണവുമായ ശബ്ദത്തെ സംബന്ധിച്ച് ജാഗ്രത പാലിക്കണമെന്നാണ് യു.എസ് സ്റ്റേറ്റ് ഡിപ്പാര്‍ട്ട്‌മെന്റ് പൗരന്മാര്‍ക്കായി ഇറക്കിയ മുന്നറിയിപ്പില്‍ പറയുന്നത്.
ക്യൂബയില്‍ നയതന്ത്രജ്ഞര്‍ക്കെതിരേയുണ്ടായ ഗുഢമായ ശബ്ദ ആക്രമണത്തിന് സമാനമായ ആക്രമണമാണ് ചൈനയില്‍ ഇപ്പോള്‍ കണ്ടെത്തിയതെന്ന് വിദേശകാര്യ സെക്രട്ടറി മൈംക് പോംപിയോ പറഞ്ഞു. എന്നാല്‍ സംഭവത്തിന് പിന്നില്‍ ആരാണെന്നത് യു.എസ് വ്യക്തമാക്കിയിട്ടില്ല.
2017-2018 ഏപ്രിലിന് ഇടയിലായി ചൈനയിലെ ഗ്വന്‍ഗസുവിലെ യു.എസ് എംബസിയില്‍ ജോലി ചെയ്യുന്നതിനിടെ യു.എസ് പൗരന് ഇത്തരത്തിലുള്ള അസാധാരണ ശബ്ദത്താലുള്ള ആക്രമണത്തിനിരയായിരുന്നു. യു.എസിലേക്ക് മടങ്ങിയ ഇദ്ദേഹത്തിന് തലച്ചോറില്‍ ക്ഷതമുണ്ടെന്ന് പിന്നീട് കണ്ടെത്തിയിരുന്നു.