അബൂദാബി: അബൂദാബിയില്‍ രണ്ട് കാസര്‍കോട് സ്വദേശികള്‍ മരിച്ചു. കാസര്‍കോട് കിന്നിംഗാര്‍ സ്വദേശി മുഹമ്മദ്,മറിയമ്മ ദമ്പതികളുടെ മകന്‍ കെ.കെ.അബ്ദുല്‍ ഖാദര്‍(52), മധൂര്‍ പുളിക്കൂറിലെ ഹസന്‍കുട്ടി,മറിയുമ്മ എന്നിവരുടെ മകന്‍ എം.എച്ച് മൊയ്തീന്‍ കുട്ടി (65) എന്നിവരാണ് മരിച്ചത്.

വര്‍ഷങ്ങളായി അബ്ദുല്‍ ഖാദര്‍ അബൂദാബിയിലെ സ്വകാര്യ സ്ഥാപനത്തിലെ ജീവനക്കാരനായിരുന്നു. അസുഖത്തെ തുടര്‍ന്ന് ചികിത്സയിലായിരുന്ന ഇദ്ദേഹം ഹൃദയാഘാതത്തെ തുടര്‍ന്നാണ് മരിച്ചത്. ഇന്നലെ ഉച്ചക്ക് രണ്ടോടെ അബൂദാബിയിലെ അല്‍ മഫ്‌റഖ് ആശുപത്രിയിലായിരുന്നു മരണം.
ഭാര്യ: ഖൈറുന്നിസ. മക്കള്‍: ഫാത്തിമത്ത് ഷാഹിന, ഹുദാ ഫാത്തിമ, ആയിശത്ത് സുല്‍ത്താന, മുഹമ്മദ് വാലിദ്, മുഹമ്മദ് വാഹിദ്.
സഹോദരങ്ങള്‍: അഷറഫ് ഫൈസി, ശിഹാബ്(സൗദി),ഗഫൂര്‍(അബൂദാബി), റുഖിയാബി, ഖദീജ, ആയിശ, സാറ. മൃതദേഹം നാട്ടിലെത്തിക്കാനുള്ള ശ്രമം നടന്നു വരുന്നതായി വിവരമുണ്ട്.

രണ്ട് വര്‍ഷം മുന്‍പ് അബൂദാബി അല്‍ അഹല്യ ആശുപത്രിയില്‍ മൊയ്തീന്‍ കുട്ടി ഹൃദയ ശസ്ത്രക്രിയ കഴിഞ്ഞ് വിശ്രമത്തില്‍ കഴിയുകയായിരുന്നു. ഇന്നലെ രാവിലെ നെഞ്ച് വേദന അനുഭവപ്പെട്ടാണ് അദ്ദേഹവും മരിച്ചത്. ഭാര്യ: ബീഫാത്തിമ. മക്കള്‍: ഹസന്‍ സിനാന്‍, സ്വലാഹുദ്ദീന്‍, ഫര്‍സീന. മരുമകന്‍: റഫീഖ് മുളിയാര്‍. സഹോദരങ്ങള്‍: എം.എച്ച് മുഹമ്മദ്, അബ്ദുര്‍റഹ്മാന്‍, ജമീല, സുഹറ, സുബൈദ.