വാഷിങ്ടണ്‍: ബാങ്ക്, നികുതി വെട്ടിപ്പുമായി ബന്ധപ്പെട്ട് യു.എസ് പ്രസിഡന്റ് ഡൊണാള്‍ഡ് ട്രംപിന്റെ മുന്‍ തെരഞ്ഞെടുപ്പ് പ്രചാരണത്തലവന്‍ പോള്‍ മാനാഫോര്‍ട്ടിന് ജയില്‍ ശിക്ഷ. 47 മാസമാണ് തടവ്.

ഉക്രൈനില്‍ നിന്ന് കണ്‍സള്‍ട്ടിങ്ങിന്റെ ഭാഗമായി ലഭിച്ച വന്‍ തുകയുടെ വിവരം മറച്ചുവെച്ചതാണ് മാനഫോര്‍ട്ടിനെതിരായ കേസിലാണ് ശിക്ഷ. വാഷിങ്ടണില്‍ അടുത്ത ആഴ്ച പോള്‍ മാനാഫോര്‍ട്ടിനെതിരായ മറ്റൊരു കേസില്‍ കൂടി വിധി വരുന്നുണ്ട്. പരമാവധി 10 വര്‍ഷം വരെ തടവ് ശിക്ഷ ലഭിക്കാവുന്ന കേസാണിത്.

ഉക്രൈനില്‍ നിന്ന് ലഭിച്ച ഏകദേശം 55 മില്യണ്‍ ഡോളര്‍ വിദേശരാജ്യങ്ങളിലെ അക്കൗണ്ടുകളില്‍ മാനാഫോര്‍ട്ട് അനധികൃതമായി സൂക്ഷിച്ചിട്ടുണ്ടെന്ന ാണ് കേസ്.
യു.എസ് തെരഞ്ഞെടുപ്പിലെ റഷ്യന്‍ ഇടപ്പെടലിനെ സംബന്ധിച്ച റിപ്പോര്‍ട്ട് പുറത്ത് വരാനിരിക്കെയാണ് പോളിന് ജയില്‍ശിക്ഷ ലഭിച്ചിരിക്കുന്നത്.