കല്‍പറ്റ: പുല്‍വാമ ഭീകരാക്രമണത്തില്‍ വീരമൃത്യു വരിച്ച വയനാട് സ്വദേശിയായ ഹവില്‍ദാര്‍ വസന്തകുമാറിന്റെ വീട് സന്ദര്‍ശിക്കാന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് അനുമതിയില്ല. എസ്.പി.ജി സംഘത്തിന്റെ യോഗത്തിലാണ് തീരുമാനം.

ഇന്നു കല്‍പറ്റയില്‍ ചേര്‍ന്ന എസ്.പി.ജി യോഗത്തിലാണ് രാഹുല്‍ ഗാന്ധിയുടെ വയനാട് സന്ദര്‍ശനത്തിന് സുരക്ഷാകാരണം ഉന്നയിച്ച് അനുമതി നിഷേധിച്ചത്.

പ്രദേശത്ത് മാവോയിസ്റ്റ് ഭീഷണി നിലനില്‍ക്കുന്നതിനാലാണ് സുരക്ഷാ ഏജന്‍സി അനുമതി നല്‍കാതിരുന്നത്.

13, 14 തിയ്യതികളില്‍ കേരളത്തിലെത്തുന്ന രാഹുല്‍ ഗാന്ധി 14ന് വസന്തകുമാറിന്റെ വീട്ടിലെത്താനായിരുന്നു പദ്ധതി.