കോതമംഗലം: ശ്രീരാമ വിലാസം ചവളര്‍ സൊസൈറ്റി തങ്കളം ശാഖ വിദ്യാഭ്യാസ അവാര്‍ഡ് സമ്മേളനം നടത്തി. ചവളര്‍ സൊസൈറ്റി സംസ്ഥാന പ്രസിഡന്റ് പ്രൊഫ. പി. വി പീതാംബരന്‍ ഉദ്ഘാടനം ചെയ്തു. ചവളക്കാരന്‍ സമുദായ വിദ്യാര്‍ഥി കള്‍ക്ക് ഒപ്പം ഇതര സമുദായത്തില്‍ നിന്നും ഉള്ള വിദ്യാര്‍ഥികളെയും ഈ ചടങ്ങില്‍വച്ച് അനുമോദിച്ചു.
യോഗത്തില്‍ ശാഖ പ്രസിഡന്റ് കെ.എന്‍ സജീവ് അധ്യക്ഷനായി. പ്രതീക്ഷ പുരുഷ മൈക്രോ യൂണിറ്റ് ഉദ്ഘാടനം മൈക്രോ സംസ്ഥാന കോ. ഓഡിനേറ്റര്‍ വി.എന്‍ ജിബീഷ് കുമാര്‍ നിര്‍വഹിച്ചു. വനിത വിഭാഗം സംസ്ഥാന സെക്രട്ടറി കാര്‍ത്ത്യായനി നാരായണന്‍ അനുഗ്രഹപ്രഭാഷണം നടത്തി.
യൂണിയന്‍ സെക്രട്ടറി പി.കെ അനില്‍, യൂണിയന്‍ ജോയിന്റ് സെക്രട്ടറി ഇ.കെ സതീഷ്‌കുമാര്‍, ശാഖ സെക്രട്ടറി കെ.ജി കുട്ടപ്പന്‍, വനിത യൂണിയന്‍ പ്രസിഡന്റ് മല്ലിക കേശവന്‍, കുടുംബയോഗം പ്രസിഡന്റ് വാസന്തി മോഹനന്‍, കുടുംബ യോഗം സെക്രട്ടറി മിനി അജി, ശാഖ ജോയിന്റ് സെക്രട്ടറി കെ.എന്‍ സുരേഷ് എന്നിവര്‍ സംസാരിച്ചു.