അങ്കാറ: സുരക്ഷാ ഭീഷണിയെ തുടര്‍ന്ന് തുര്‍ക്കിയിലെ നയതന്ത്രകാര്യാലയങ്ങള്‍ ഫ്രാന്‍സ് അടച്ചു. താല്‍ക്കാലികമായാണ് കോണ്‍സുലേറ്റിന്റെ പ്രവര്‍ത്തനം നിര്‍ത്തുന്നതെന്നാണ് വിശദീകരണം. മറ്റൊരു അറിയിപ്പുണ്ടാകുന്നതു വരെയാണിത്. അങ്കാറയിലെ എംബസിയും ഇസ്താംബൂളിലെ കോണ്‍സുലേറ്റും അടയ്ക്കുകയാണെന്ന് എംബസി അറിയിച്ചു. തുര്‍ക്കിയിലെ മൂന്നു നഗരങ്ങളിലാണ് ഫ്രാന്‍സിന് നയതന്ത്ര ഓഫിസുകളുള്ളത്. ഇവയുടെ പ്രവര്‍ത്തനമെല്ലാം നിര്‍ത്തിവച്ചതായി കോണ്‍സല്‍ മുറേയല്‍ ഡോമെനാക് ട്വീറ്റ് ചെയ്തു. തുര്‍ക്കി അധികൃതരുമായുള്ള ബന്ധം തുടരുമെന്നും അദ്ദേഹം വ്യക്തമാക്കി. ഫ്രഞ്ച് ദേശീയ ദിനമായ ഇന്ന് തുര്‍ക്കിയിലെ ഫ്രഞ്ച് പൗരന്മാര്‍ ജാഗ്രതപാലിക്കണമെന്ന് എംബസി അറിയിച്ചിരുന്നു. ജൂണ്‍ 28 ന് ഇസ്താംബൂള്‍ വിമാനത്താവളത്തില്‍ ഐ.എസ് നടത്തിയ ചാവേര്‍ ആക്രമണത്തില്‍ 47 പേര്‍ കൊല്ലപ്പെട്ടിരുന്നു.