കണ്ണൂര്‍: എല്‍.ഡി.എഫ് കണ്ണൂര്‍ ലോക്‌സഭാ മണ്ഡലം സ്ഥാനാര്‍ഥി പി.കെ ശ്രീമതി കണ്ണൂര്‍ മണ്ഡലത്തില്‍ പര്യടനം നടത്തി. കുറ്റിക്കകം സൗത്തില്‍നിന്നാണ് പര്യടനം ആരംഭിച്ചത്.
തോട്ടട റെഡ് യങ്‌സ്, കാഞ്ഞിര, എസ്.എന്‍ കോളജ്, തങ്കേക്കുന്ന്, പെരിക്കാട്, പന്ന്യോട്ട് കനാല്‍ എന്നിവിടങ്ങളിലായിരുന്നു ഉച്ചവരെയുള്ള സ്വീകരണം. തുടര്‍ന്ന് കണ്ണൂര്‍ സിറ്റി മര്‍ഹബ സംഘടിപ്പിച്ച കുടുംബസംഗമത്തില്‍ പങ്കെടുത്തു.
ഉച്ചക്ക് ശേഷം കുടുക്കിമൊട്ടയില്‍ നിന്നാണ് പര്യടനം ആരംഭിച്ചത്. പുറവൂര്‍, പുതിയാണ്ടി പീടിക, കടാങ്കോട്, പള്ളിപ്രം, ജനശക്തി, എളയാവൂര്‍, എളയാവൂര്‍, വില്ലേജ് ഓഫിസ്, കണ്ണൂക്കര, ധനലക്ഷ്മി ആശുപത്രി ജങ്ഷന്‍, തായത്തെരു സ്‌കൂള്‍ എന്നിവിടങ്ങളിലെ പര്യടനത്തിനു ശേഷം മുക്കടവില്‍ സമാപിച്ചു.
മേയര്‍ ഇ.പി ലത, എല്‍.ഡി.എഫ് നേതാക്കളായ കെ.പി സഹദേവന്‍, എന്‍. ചന്ദ്രന്‍, പി.കെ ശബരീഷ് കുമാര്‍, എം. ഷാജര്‍, വെള്ളോറ രാജന്‍, കെ.പി പ്രശാന്ത് എന്നിവര്‍ സ്ഥാനാര്‍ഥിയെ അനുഗമിച്ചു.