മസ്കറ്റ്: ഒമാനിൽ കോവിഡ് രോഗികൾ കുറഞ്ഞ് വരുന്നതിന്റെ അടിസ്ഥാനത്തിൽ കൂടുതൽ വാണിജ്യ സഥാപനങ്ങൾക്ക് തുറന്ന് പ്രവർത്തിക്കാൻ സുപ്രീം കമ്മിറ്റി  അനുമതി നൽകി. മാസങ്ങളായി അടഞ്ഞ് കിടന്ന ബാർബർ ഷോപ്പുകൾ,  ജിംനേഷ്യങ്ങൾ തുടങ്ങിയവക്ക് ഇന്ന് ബുധനാഴ്ച്ച മുതൽ തുറന്ന് പ്രവർത്തിക്കാൻ അനുമതി നൽകിയത്. 

 

പുരുഷ പേർസണൽ  കെയർ സ്ഥാപനങ്ങൾ, ബ്യൂട്ടി പാർലറുകൾ, വിവാഹ സാധനങ്ങൾ വിൽക്കുകയും വാടകക്ക് നൽകുകയും ചെയ്യുന്ന സ്ഥാപനങ്ങൾ, പാരമ്പരഗാഗത മരുന്നുകളുടെ ക്ലിനിക്കുകൾ തുടങ്ങിയ സ്ഥാപനങ്ങൾ ആണ് ഇന്ന് 

മുതൽ പ്രവർത്തനാനുമതി ലഭിച്ച മറ്റു സ്ഥാപനങ്ങൾ.

 

ഇതോടെ രാജ്യത്ത്‌ ഏതാണ്ട് എല്ലാ വിഭങ്ങളിലും വാണിജ്യ പ്രവർത്തനങ്ങൾ പുനരാരംഭിച്ച് കഴിഞ്ഞു. പൊതു പാർക്കുകളും പള്ളികളും ആണ് ഇനി തുറക്കാൻ അനുമതി കാത്ത് നിൽക്കുന്നത്. പൊതുഗതാഗത ബസ് സർവ്വീസും പുനരാരംഭിച്ചിട്ടില്ല.