കനൗജ്:യുവതിയ്ക്കും ഭിന്നശേഷിക്കാരനായ സുഹൃത്തിനും നേരെ നാട്ടുകാരുടെ അക്രമം. ഉത്തര്‍പ്രദേശിലെ കനൗജ് ജില്ലയിലെ ഒരു ഗ്രാമത്തിലാണ് സംഭവം. ഇരുവരുടേയും തല മൊട്ടയടിച്ച് ചെരുപ്പുമാല അണിയിച്ച് നാട്ടുകാര്‍ റോഡിലൂടെ നടത്തിച്ചതായാണ് പരാതി.

രണ്ട് മാസം മുന്‍പ് യുവതിയുടെ ഭര്‍ത്താവ് മരിച്ചിരുന്നു. പിന്നീട് യുവതിയുടെ സുഹൃത്തായ യുവാവ് ഇവരെ പലഅവസരങ്ങളിലും സഹായിക്കാനെത്തിയിരുന്നു. ഇതില്‍ എതിര്‍പ്പുണ്ടായിരുന്ന ബന്ധുക്കളാണ് ഇതേതുടര്‍ന്നാണ് ഇരുവരേയും അപമാനിച്ചത്.

സംഭവത്തിന്റെ ദൃശ്യങ്ങളില്‍ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു. യുവതിയുടെ ബന്ധുക്കളായ രണ്ടുപേരെ പൊലിസ് അറസ്റ്റ് ചെയ്തു. എഫ്.ഐ.ആറില്‍ എട്ടു പ്രതികളുടെ പേരാണ് ഉള്‍പ്പെടുത്തിയിട്ടുള്ളത്.