കോഴിക്കോട്: സ്‌കൂള്‍ ഗോയിങ് ഉള്‍പ്പെടെ സമസ്ത പൊതുപരീക്ഷയില്‍ ടോപ് പ്ലസ് നേടിയ വിദ്യാര്‍ഥികളെ സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ ജില്ലാ കമ്മിറ്റിയുടെ നേതൃത്വത്തില്‍ അവാര്‍ഡ് നല്‍കി ആദരിച്ചു. സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്തു.
ജില്ലാ പ്രസിഡന്റ് എ.പി.പി തങ്ങള്‍ അധ്യക്ഷനായി. 5, 7, 10, 12 ക്ലാസുകളിലെ ടോപ് പ്ലസ് നേടിയ വിദ്യാര്‍ഥികള്‍ക്കും അതിനു പ്രാപ്തരാക്കിയ അധ്യാപകര്‍ക്കും വിദ്യാഭ്യാസ ബോര്‍ഡ് നല്‍കുന്ന കാഷ് അവാര്‍ഡും മെറിറ്റ് സര്‍ട്ടിഫിക്കറ്റും മാനേജ്‌മെന്റ് അസോസിയേഷന്‍ സംസ്ഥാന കമ്മിറ്റിയുടെ അനുമോദനപത്രവും ചടങ്ങില്‍ വിതരണം ചെയ്തു.
സമസ്ത മാനേജര്‍ കെ. മോയിന്‍കുട്ടി മാസ്റ്റര്‍, എസ്.വൈ.എസ് സംസ്ഥാന സെക്രട്ടറി മുസ്തഫ മാസറ്റര്‍ മുണ്ടുപാറ , ഒ.പി അശ്‌റഫ്, കെ.കെ ഇബ്‌റാഹിം മുസ്‌ലിയാര്‍, പി. ഹസൈനാര്‍ ഫൈസി, എന്‍ജിനീയര്‍ മാമുക്കോയ ഹാജി, വി.കെ.സി മൊയ്തു ഹാജി, ടി. മൊയ്തുഹാജി നന്തി, ടി.പി മൊയ്തീന്‍ കോയ മാസ്റ്റര്‍, കെ. മൊയ്തീന്‍കുട്ടി, വി.പി മുഹമ്മദ് മാസ്റ്റര്‍, കെ.കെ നാസര്‍ ഹാജി, എ.കെ.സി മുഹമ്മദ്, ഫര്‍ഹാന്‍ മില്ലത്ത് സംസാരിച്ചു. ജില്ലാ സെക്രട്ടറി കെ.പി കോയ സ്വാഗതവും സി.എം ശുക്കൂര്‍ മാസ്റ്റര്‍ നന്ദിയും പറഞ്ഞു.