കൊച്ച: ഡബ്ല്യു.സി.സി കേരളത്തില്‍ മാത്രമൊതുങ്ങാതെ ഇന്ത്യയിലെ മറ്റ് സിനിമാ മേഖലയിലേക്കും വ്യാപിപ്പിക്കണമെന്ന് പ്രശസ്ത സിനിമാ സംവിധായകന്‍ പാ രഞ്ജിത്ത്. സ്ത്രീകള്‍ക്കെതിരായ ലൈംഗികാതിക്രമങ്ങള്‍ക്കെതിരെ മാത്രമല്ല നിലനില്‍ക്കുന്ന ജാതി മത വിവേചനങ്ങള്‍ക്കെതിരെയും ഡബ്ല്യു.സി.സിയുടെ ശബ്ദമുയരണം.
ഡബ്ല്യു.സി.സിയുടെ രണ്ടാം വാര്‍ഷിക സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
ഇരയാക്കപ്പെടുന്നവരെ പ്രതിയാക്കുന്ന രീതിക്കും ഡബ്ല്യു.സി.സി മാറ്റം വരുത്തി.ഇന്ത്യയിലെ കൂടുതല്‍ പണം മുടക്കുന്ന സിനിമാ മേഖലകളായ ബോളിവുഡിലും തമിഴ്, തെലുങ്ക് തുടങ്ങിയ ഇടങ്ങളിലും ഇത് വ്യാപിക്കണമെന്നും പാ രഞ്ജിത്ത് പറഞ്ഞു.