ന്യൂഡല്‍ഹി: റഫാലുമായി ബന്ധപ്പെട്ട വിധിയില്‍ പുനഃപരിശോധന നടത്തരുതെന്ന് ആവശ്യപ്പെട്ട് കേന്ദ്രസര്‍ക്കാര്‍ സുപ്രിംകോടതിയില്‍ കേന്ദ്രസര്‍ക്കാര്‍ പുതിയ സത്യവാങ്മൂലം സമര്‍പ്പിച്ചു. റഫാല്‍ കരാറിലെ പ്രധാനമന്ത്രിയുടെ ഓഫീസിന്റെ മേല്‍നോട്ടം സമാന്തര വിലപേശലായി കാണാന്‍ സാധിക്കില്ലെന്ന് കേന്ദ്രസര്‍ക്കാര്‍ നല്‍കിയ സത്യവാങ്മൂലത്തില്‍ പറയുന്നു.

മാധ്യമ വാര്‍ത്തകളും മോഷ്ടിച്ച രേഖകളും ഉപയോഗിച്ച് വിധി പുനഃപരിശോധിക്കരുത്. മുന്‍ സര്‍ക്കാറിന്റെ കരാറിനെക്കാള്‍ ലാഭകരമാണ് എന്‍.ഡി.എ സര്‍ക്കാറിന്റെ കാലത്തുള്ള കരാറെന്ന് സി.എ.ജിയുടെ പകരിശോധനയില്‍ കണ്ടെത്തിയിട്ടുണ്ടെന്നും കൂടുതല്‍ വിവരങ്ങള്‍ പുറത്തുവിടുന്നത് രാജ്യത്തിന്റെ സുരക്ഷക്ക് ഭീഷണിയാണെന്നും സത്യവാങ്മൂലത്തില്‍ ചൂണ്ടിക്കാട്ടുന്നു.