തിരുവനന്തപുരം: സര്‍ക്കാരിനെതിരായ പ്രതിഷേധങ്ങളെ മര്‍ദിച്ച് ഒതുക്കാമെന്ന് കരുതേണ്ടെന്ന് മുന്‍ മുഖ്യമന്ത്രി ഉമ്മന്‍ ചാണ്ടി.

യു.ഡി.എഫിന്റെ മൂന്നാംഘട്ട സ്പീക്ക് അപ് കേരള സത്യഗ്രഹത്തില്‍ സംസാരിക്കുകയായിരുന്നു അദ്ദേഹം. 

സമാധാനപരമായി പ്രതിഷേധങ്ങള്‍ നടത്താനാണ് കോണ്‍ഗ്രസും യു.ഡി.എഫും ശ്രമിച്ചിട്ടുള്ളത്. എന്നാല്‍ ക്രൂരമായ മര്‍ദനമാണ് പ്രവര്‍ത്തകര്‍ക്കുനേരെ പൊലിസ് നടത്തിയതെന്നും അദ്ദേഹം കുറ്റപ്പെടുത്തി.

അഴിമതി ആരോപണങ്ങളില്‍ ഒന്നും പറയാനാകാതെ വന്നപ്പോള്‍ സര്‍ക്കാരും ഇടത് മുന്നണിയുമാണ് ഖുര്‍ആന്‍ വിവാദം ഉയര്‍ത്തിയതെന്നും ഉമ്മന്‍ ചാണ്ടി പറഞ്ഞു.