മലപ്പുറം: പന്തല്ലൂര്‍ വില്ലേജ് കെ.എം.സി.സി കമ്മിറ്റി നിര്‍മിക്കുന്ന മൂന്ന് ബൈത്തുറഹ്മയുടെ തറക്കല്ലിടല്‍ പാണക്കാട് സാദിഖലി ശിഹാബ് തങ്ങള്‍ നിര്‍വഹിച്ചു. പന്തല്ലൂര്‍ വില്ലേജ് കെ.എം.സി.സി ജനറല്‍ സെക്രട്ടറി മദാരി അബ്ദുറഹ്മാന്‍ അധ്യക്ഷനായി. കേരള ആര്‍ക്കിടെക്ചര്‍ പ്രവേശന പരീക്ഷയില്‍ മൂന്നാം റാങ്ക് നേടിയ എം.പി മുഹ്‌സിന്‍ മുഹമ്മദലി, പൊലിസ് കോണ്‍സ്റ്റബ്ള്‍ പി.എസ്.സി പരീക്ഷയില്‍ ഒന്നാം റാങ്ക് നേടിയ എം.പി റിയാസ് എന്നിവര്‍ക്കുള്ള പുരസ്‌കാരം സാദിഖലി തങ്ങള്‍ വിതരണം ചെയ്തു. പി ഉബൈദുള്ള എംഎല്‍എ, ഉമ്മര്‍ അറക്കല്‍, പി.ടി സുനീറ, സി.പി അബ്ദുറഹ്മാന്‍, ടി. സൈതാലി മൗലവി, പി.പി നാണിപ്പ, കെ.വി മുഹമ്മദലി, മുഹമ്മദാലി മാസ്റ്റര്‍ സംസാരിച്ചു.