പുത്തനത്താണി: വെസ്റ്റ് ജില്ലാ എസ്.കെ.എസ്.എസ്.എഫ് കാംപസ് വിങിന്റെ ആഭിമുഖ്യത്തില്‍ സംഘടിപ്പിച്ച മേഖലാ കാംപസ് സെക്രട്ടറി, കണ്‍വീനര്‍മാരുടെ സംഗമം സമാപിച്ചു. അടുത്ത മൂന്നു മാസത്തേക്കുള്ള കര്‍മപദ്ധതികള്‍ക്ക് സംഗമം രൂപം നല്‍കി. വിദ്യാര്‍ഥികളുടെ വിവരശേഖരണം, യൂനിറ്റ് രൂപീകരണം, മേഖലാ കാംപസ് കാള്‍ എന്നിവ നടക്കും.
ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി സംഗമം ഉദ്ഘാടനം ചെയ്തു. സെക്രട്ടേറിയറ്റ് അംഗം റഊഫ് കാച്ചടിപ്പാറ അധ്യക്ഷനായി. ജില്ലാ ജന. സെക്രട്ടറി ശാഫി മാസ്റ്റര്‍ ആട്ടിരി മുഖ്യ പ്രഭാഷണം നടത്തി. ഫസല്‍ ഷാഹിദ് ഹസനി തങ്ങള്‍ കണ്ണന്തളി പ്രാര്‍ഥനക്ക് നേതൃത്വം നല്‍കി. ജില്ലാ ക്യാമ്പസ് വിംഗ് ചെയര്‍മാന്‍ അനസ് മാലിക് വേങ്ങര, മുനീര്‍ ആലത്തിയൂര്‍, പി. ഉല്‍ഫത്തുദ്ദീന്‍ സംസാരിച്ചു.