പുത്തനത്താണി: വിദ്യാര്‍ഥിയെ പ്രകൃതിവിരുദ്ധ പീഡനത്തിനിരയാക്കിയ മധ്യവസ്‌കനെ കല്‍പകഞ്ചേരി പൊലിസ് അറസ്റ്റ് ചെയ്തു. വൈലത്തൂര്‍ കുറ്റിപ്പാല ആദൃശേരി സ്വദേശി കല്ലിടുമ്പില്‍ സൈതലവി(45)യാണ് പൊലിസ് പിടിയിലായത്.
പ്രലോഭിപ്പിച്ചും പിന്നീട് ഭീഷണിപ്പെടുത്തിയും ആറ് മാസമായി ഇയാള്‍ വിദ്യാര്‍ഥിയെ പീഡിപ്പിച്ചുകൊണ്ടിരിക്കുകയായിരുന്നു. വിദ്യാര്‍ഥിയുടെ പിതാവിന്റെ പരാതിയെതുടര്‍ന്ന് പൊലിസ് നടത്തിയ അന്വേഷണത്തിലാണ് പ്രതി പിടിയിലാകുന്നത്. കല്‍പകഞ്ചേരി എസ്.ഐ ഷണ്മുഖന്‍, സി.പി.ഒമാരായ പ്രജീഷ്, അബ്ദുല്ല ഹസന്‍, സജു എന്നിവര്‍ ചേര്‍ന്നാണ് അറസ്റ്റ് ചെയ്തത്. പ്രതിയെ തിരൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.