ഇടുക്കി: നെടുങ്കണ്ടം കസ്റ്റഡി കൊലപാതക കേസില്‍ കൂടുതല്‍ പ്രതികളുണ്ടെന്ന നിഗമനത്തില്‍ ക്രൈംബ്രാഞ്ച്. എസ് ഐ സാബു അടക്കം നാല് പേരുടെ അറസ്റ്റാണ് ഇത് വരെ രേഖപ്പെടുത്തിയിട്ടുള്ളത്. എന്നാല്‍ രാജ്!കുമാറിനെ കസ്റ്റഡിയില്‍ മര്‍ദ്ദിച്ച സംഭവത്തില്‍ ഒമ്പത് പേര്‍ ഉള്‍പ്പെട്ടിട്ടുണ്ടെന്നാണ് കേസിലെ സാക്ഷികള്‍ മൊഴി നല്‍കിയിട്ടുള്ളത്. അത് കൊണ്ടു തന്നെ കൂടുതല്‍ പേരുടെ അറസ്റ്റ് ഉണ്ടാകുമെന്ന സൂചനയാണ് ക്രൈംബ്രാഞ്ച് സംഘം നല്‍കുന്നത്.

പൊലിസ് സ്റ്റേഷനിലെ 52 പൊലിസുകാരെ ക്രൈം ബ്രാഞ്ച് ചോദ്യം ചെയ്തിരുന്നു. രാജ് കുമാറിനെ മര്‍ദ്ദിക്കാനുള്ള സാഹചര്യത്തെ കുറിച്ച് കൂടുതല്‍ വ്യക്തതയും തെളിവുകളും ആവശ്യമെന്നിരിക്കെ കഴിഞ്ഞ ദിവസം അറസ്റ്റിലായ രണ്ടാം പ്രതി റിജിമോനെയും മൂന്നാം പ്രതി റിയാസിനെയും കോടതിയില്‍ ഹാജരാക്കി കസ്റ്റഡിയില്‍ വാങ്ങാനും അന്വേഷണ സംഘം തീരുമാനിച്ചിട്ടുണ്ട്.