ബെയ്ജിങ്: രണ്ടാം ലോകയുദ്ധത്തിന് ശേഷമുള്ള ലോകഭീഷണിയാണ് ചൈനയെന്ന യു.എസ് ആരോപണത്തിന് മറുപടിയുമായി ചൈന. അമേരിക്കന്‍ രഹസ്യാന്വേഷണ വിഭാഗം മേധാവിയായ ജോണ്‍ റാറ്റ്ക്ലിഫിന്റെ ആരോപണത്തിനാണ് ചൈന മറുപടിയുമായി രംഗത്ത് എത്തിയത്.
പീപ്പിള്‍സ് റിപ്പബ്ലിക് ഓഫ് ചൈന ഇന്ന് അമേരിക്കയ്ക്ക് ഏറ്റവും വലിയ ഭീഷണിയാണ്, അമേരിക്കക്ക് മാത്രമല്ല, രണ്ടാം ലോക യുദ്ധത്തിനുശേഷം ലോകമെമ്പാടുമുള്ള ജനാധിപത്യ രാജ്യങ്ങള്‍ക്കും സ്വാതന്ത്ര്യത്തിനും ഏറ്റവും വലിയ ഭീഷണിയും വെല്ലുവിളിയുമായി ചൈന മാറി- വാള്‍സ്ട്രീറ്റ് ജേണല്‍ അഭിപ്രായ പേജിലെഴുതിയ ലേഖനത്തില്‍ യു.എസ് രഹസ്യാന്വേഷണ വിഭാഗം മേധാവി ആരോപിച്ചു.എന്നാല്‍ ചൈനയെ അപകീര്‍ത്തിപ്പെടുത്തുന്നതിനായി നുണകളും കിംവദന്തികളും ആവര്‍ത്തിക്കുന്നതാണ് അമേരിക്കയുടെ ജോലിയെന്നും യു.എസ് സര്‍ക്കാരിന്റെ അടുക്കളയില്‍ പാചകംചെയ്യുന്നത് നുണകളുടെ കൂമ്പാരം മാത്രമാണെന്ന് ചൈനീസ് വിദേശകാര്യ വക്താവ് ഹുവ ചുനിങ് പറഞ്ഞു.