കൊച്ചി: നടി കാവ്യാമാധവന്റെ പേരില്‍ വ്യാജ ഫേസ്ബുക്ക് അക്കൗണ്ട് ഉണ്ടാക്കി ചിത്രങ്ങളും വാര്‍ത്തകളും പ്രചരിപ്പിച്ചയാള്‍ പിടിയില്‍. പന്തളം സ്വദേശി അരവിന്ദ് ബാബുവാണ് പിടിയിലായത്. കൊച്ചി സിറ്റി പൊലിസ് കമ്മിഷണര്‍ എം.പി ദിനേശിന് നല്‍കിയ പരാതിയുടെ അടിസ്ഥാനത്തിലാണ് പ്രതി പിടിയിലായത്.
ഡെപ്യൂട്ടി കമ്മിഷണര്‍ അരുള്‍ കൃഷ്ണന്റെ നേതൃത്വത്തില്‍ കൊച്ചി സിറ്റി സൈബര്‍സെല്‍ നടത്തിയ അന്വേഷണത്തിലാണ് പ്രതിയെ കണ്ടെത്തിയത്. നടിയുടെ ചിത്രവും പേരും ഉപയോഗിച്ചതിനു പുറമേ അപകീര്‍ത്തികരമായ പോസ്റ്റുകളും അശ്ലീലചുവയുള്ള കമന്റുകളും പ്രതി വ്യാജ പ്രൊഫൈലിലൂടെ നിരന്തരം പ്രചരിപ്പിച്ചിരുന്നു. നാലുവര്‍ഷമായി ഇയാള്‍ ഈ ഫേസ്ബുക്ക് അക്കൗണ്ട് ഉപയോഗിച്ചുവരികയായിരുന്നു.