HOME
DETAILS

കര്‍ഷകരുടെ കുടുംബം നിരാഹാരം അവസാനിപ്പിക്കാന്‍ ആവശ്യപ്പെട്ടതായി ശിവരാജ് ചൗഹാന്‍

  
backup
June 11 2017 | 06:06 AM

shivraj-chouhan

ഭോപ്പാല്‍: പ്രക്ഷോഭത്തിനിടെ പൊലിസിന്റെ വെടിയേറ്റ് കൊല്ലപ്പെട്ട കര്‍ഷകരുടെ കുടുംബാംഗങ്ങള്‍ തന്നോട് നിരാഹാരം അവസാനിപ്പിക്കാന്‍ ആവശ്യപ്പെട്ടതായി മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്‍.  കഴിഞ്ഞ ദിവസം രാത്രിയാണ് കൊല്ലപ്പെട്ട ആറു പേരില്‍ നാലു പേരുടെ കുടുംബങ്ങള്‍ ചൗഹാനെ സന്ദര്‍ശിച്ചത്.

കര്‍ഷകരുടെ പ്രശ്‌നങ്ങള്‍ പരിഹരിക്കുമെന്നും കുറ്റവാളികള്‍ക്കെതിരെ ശക്തമായ നടപടിയെടുക്കുമെന്നും ബന്ധുക്കള്‍ക്ക് ഉറപ്പു നല്‍കിയതായി അദ്ദേഹം പറഞ്ഞു. തന്നോട് അവരുടെ ഗ്രാമം സന്ദര്‍ശിക്കാനാണ് കുടുംബാംഗങ്ങള്‍ ആവശ്യപ്പെട്ടത്. തങ്ങള്‍ക്ക് ചെയ്യാനാവുന്നതെല്ലാം കര്‍ഷകരുടെ കുടുംബങ്ങള്‍ക്ക്് വേണ്ടി ചെയ്യും- ചൗഹാന്‍ കൂട്ടിച്ചേര്‍ത്തു. കര്‍ഷകരുടെ പ്രശ്‌നങ്ങള്‍ തങ്ങളുടേതു കൂടിയാണെന്നും നിരാഹാരമിരിക്കുന്ന ഭോപാലിലെ ദസറ മൈതാനത്ത് ചൗഹാന്‍ പറഞ്ഞു.

രണ്ടു ദിവസം മുമ്പാണ്  മധ്യപ്രദേശില്‍ സമാധാനം കൊണ്ടുവരാനെന്നു പറഞ്ഞ്  ശിവരാജ് സിംഗ് ചൗഹാന്‍ അനിശ്ചിതകാല നിരാഹാരസമരം തുടങ്ങിയത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."