ബിരുദധാരികള്‍ക്കായി ബാങ്കുകളില്‍ 12,075 ഒഴിവുകള്‍. കേരളത്തില്‍ 349 ഒഴിവുകളാണുള്ളത്. ഇന്‍സ്റ്റിറ്റ്യൂട്ട് ഓഫ് ബാങ്കിങ് പഴ്‌സനല്‍ സിലക്ഷന്‍ (ഐ.ബി.പി.എസ്). നടത്തുന്ന പ്രിലിമിനറി പരീക്ഷയുടെ അടിസ്ഥാനത്തിലാണ് തിരഞ്ഞെടുപ്പ്.

അപേക്ഷകള്‍ ഒക്ടോബര്‍ ഒന്‍പത് വരെ www.ibps.in എന്ന വെബ്‌സൈറ്റ് വഴി ഓണ്‍ലൈനായി സമര്‍പ്പിക്കാം.
പ്രിലിമിനറി പരീക്ഷ ഡിസംബര്‍ 7,8,14,21 തീയതികളിലായി നടക്കും. മെയിന്‍ പരീക്ഷ ജനുവരി 19നാണ് നടക്കുക.

യോഗ്യത
ബിരുദം/തത്തുല്യം, കംപ്യൂട്ടര്‍ ഓപ്പറേഷന്‍സ്, ഡിപ്ലോമ/ഡിഗ്രി യോഗ്യത. അല്ലെങ്കില്‍ ഹൈസ്‌ക്കൂള്‍/ കോളജ്/ഇന്‍സ്റ്റിറ്റ്യൂട്ട് തലത്തില്‍ കംപ്യൂട്ടര്‍,ഐ.ടി പഠിച്ചിരിക്കണം.
അപേക്ഷിക്കുന്ന സംസ്ഥാനത്തെ ഔദ്യോഗിക ഭാഷ എഴുതാനും വായിക്കാനും സംസാരിക്കാനും കഴിയുന്നവര്‍ക്ക മുന്‍ഗണനയുണ്ട്.
പ്രായം 20-28 (2019 സെപ്റ്റംബര്‍ ഒന്ന് അടിസ്ഥാനമാക്കി) പട്ടിക വിഭാഗക്കാര്‍ക്ക് അഞ്ചും ഒ.ബി.സിക്കാര്‍ക്ക് മൂന്നും അംഗപരിമിതര്‍ക്ക് പത്തും വര്‍ഷ ഇളവുണ്ട്.

കേരളത്തിലെ പരീക്ഷാ കേന്ദങ്ങള്‍
കണ്ണൂര്‍, കോഴിക്കോട് ,മലപ്പുറം, പാലക്കാട്, തൃശൂര്‍, കൊച്ചി, കോട്ടയം, ആലപ്പുഴ, കൊല്ലം, തിരുവനന്തപുരം.

മെയിന്‍ പരീക്ഷാ കേന്ദ്രം
തിരുവനന്തപുരം, കൊച്ചി.
പരീക്ഷയുടെ സിലബസും മാതൃകയും വെബ്‌സൈറ്റില്‍ ലഭ്യമാണ്.