കുന്നംകുളം: ലൈസന്‍സില്ലാതെ പലിശക്ക് പണം നല്‍കുകയും ഗുണ്ടാപിരിവ് നടത്തുകയും ചെയ്തുവെന്ന കുറ്റത്തിന് കേച്ചേരി സ്വദേശിയെ പൊലിസ് അറസ്റ്റ് ചെയ്തു.
കേച്ചേരി പണിക്കപറമ്പില്‍ വീട്ടില്‍ പ്രസാദ് (44)നെയാണ് കുന്നംകുളം സി.ഐ കെ.ജി സുരേഷ്‌കുമാറിന്റെ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്.
അമിത പലിശക്ക് പണം നല്‍കുകയും ഇതിന്റെ അടിസ്ഥാനത്തില്‍ വീടുകളില്‍ ചെന്ന് ഭീഷണിപെടുത്തി സ്വത്തുക്കള്‍ തട്ടിയെടുക്കുകയും ചെയ്യുന്നതായി നിരവധി പരാതികള്‍ ലഭിച്ചിരുന്നു.
ഇതുമായി ബന്ധപ്പെട്ടു നടത്തിയ അന്വേഷണത്തില്‍ ഇയാളുടെ വീട്ടില്‍ നിന്ന് ബ്ലാങ്ക് ചെക്ക്, മുദ്രപത്രങ്ങളും കണ്ടെടുത്തതായി പൊലിസ് പറഞ്ഞു. പ്രതിയെ കോടതിയില്‍ ഹാജരാക്കി.