മാനന്തവാടി: നിയോജക മണ്ഡലം യൂത്ത് ലീഗ് കമ്മിറ്റിയുടെ നേതൃത്വത്തില്‍ ഇഫ്താര്‍ സംഗമവും ഭാഷാസമര അനുസ്മരണവും നടത്തി. മുസ്‌ലിം ലീഗ് ജില്ലാ സെക്രട്ടറി ടി. മുഹമ്മദ് അനുസ്മരണ പ്രഭാഷണം നടത്തി. വര്‍ത്തമാനകാലത്ത് അവകാശങ്ങള്‍ക്ക് വേണ്ടിയുള്ള പോരാട്ടങ്ങളില്‍ ഭാഷാസമരം വലിയ പ്രചോദനമാണ് നല്‍കുന്നതെന്ന് അദ്ദേഹം പറഞ്ഞു.
ഇഫ്താര്‍ സംഗമം യൂത്ത് ലീഗ് സംസ്ഥാന വൈസ് പ്രസിഡന്റ് പി. ഇസ്മായില്‍ ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് പി.ജെ പൈലി, സി.എം കുഞ്ഞബ്ദുല്ല, അഡ്വ. എന്‍.കെ വര്‍ഗീസ്, പി.വി.എസ് മൂസ, ഹാരിസ് പടിഞ്ഞാറത്തറ, സി.കെ ആരിഫ്, ഷിനോജ്, കമല്‍, ഡോ. ജിതേഷ്, ഡോ. ഗോകുല്‍ദേവ്, പി.വി ജോര്‍ജ്, പടയന്‍ മുഹമ്മദ്, സലീം കേളോത്ത്, ഷമീം പാറക്കണ്ടി സംസാരിച്ചു. ഇഫ്താര്‍ സംഗമത്തില്‍ ടി.കെ ഹാരിസ്, സാദിര്‍ തലപ്പുഴ, ഡോ. അസീസ് തരുവണ, സുരേഷ് ബാബു, എം.ആര്‍ മോഹനന്‍, സലീം മാനന്തവാടി, തെഹല്‍ക എഡിറ്റര്‍ നിധീഷ് ജോണി, സുരേഷ്, ഏലിയാസ് മാനന്തവാടി, മുജീബ് കോടിയോടന്‍, ടി.കെ സജയന്‍, അസീസ് വാളാട്, നിഷാന്ത് കാട്ടിക്കുളം, ജബ്ബാര്‍ തലപ്പുഴ, കടവത്ത് ഷറഫുദ്ദീന്‍, ഉസ്മാന്‍ മാഞ്ചേരി, കാട്ടില്‍ ഉസ്മാന്‍ സംബന്ധിച്ചു. നാസര്‍ മൗലവി മടക്കിമല റമദാന്‍ സന്ദേശം നല്‍കി. മണ്ഡലം പ്രസിഡന്റ് യൂനസലി ടി.കെ അധ്യക്ഷനായി. ജനറല്‍ സെക്രട്ടറി ഹുസൈന്‍ കുഴിനിലം സ്വാഗതവും കബീര്‍ മാനന്തവാടി നന്ദിയും പറഞ്ഞു.
പരിപാടികള്‍ക്ക് അര്‍ഷാദ് ചെറ്റപ്പാലം, മമ്മൂട്ടി തോക്കന്‍, നാസര്‍ തരുവണ, മോയിന്‍ കാസിം, ഷബീര്‍ ചെറ്റപ്പാലം, ജാഫര്‍ മാസ്റ്റര്‍, ജാബിര്‍ വരിയില്‍, മുജീബ് വാരാമ്പറ്റ, നാസര്‍ വെള്ളമുണ്ട, ലത്തീഫ് നേതൃത്വം നല്‍കി.