സുല്‍ത്താന്‍ ബത്തേരി: ജില്ലയിലെ കര്‍ഷകര്‍ക്ക് പ്രതീക്ഷയായി ഇഞ്ചി വിലയില്‍ നേരിയ വര്‍ധനവ്. മാസങ്ങള്‍ക്ക് ശേഷം വിലയിലുണ്ടായ നേരിയ വര്‍ധനവാണ് ഇഞ്ചികര്‍ഷകര്‍ക്ക് തെല്ലൊരാശ്വാസം പകരുന്നത്.
ഒരു മാസം മുന്‍പ് 1000 രൂപ വരെയായിരുന്നു ഇഞ്ചി വില. ഇതാണ് 600 രൂപ വരെ വര്‍ധിച്ചിരിക്കുന്നത്. എന്നാല്‍ വില വര്‍ധനവ് വന്‍കിടക്കാര്‍ക്ക് മാത്രമേ ഗുണകരമാകുന്നുള്ളൂ എന്നാണ് കര്‍ഷകര്‍ പറയുന്നത്. കിട്ടുന്ന വിലക്ക് ഇഞ്ചി പറിച്ചുനല്‍കുന്ന തിരക്കിലാണ് കര്‍ഷകര്‍. പല കര്‍ഷകരുടെയും ഇഞ്ചി രോഗബാധയെ തുടര്‍ന്ന് നശിച്ചിട്ടുണ്ട്. പറിക്കാതെ കിടന്ന ഇഞ്ചി ഇക്കഴിഞ്ഞ കനത്ത വെയിലില്‍ ഉണങ്ങിയും നശിച്ചു.
പല കര്‍ഷകര്‍ക്കും നിലവിലെ വില അനുസരിച്ചു പറിച്ചു വിറ്റാലും തൊഴിലാളികള്‍ക്ക് നല്‍കാനുള്ള തുക പോലും കിട്ടാത്ത അവസ്ഥയാണ്.