ഇറ്റലി: സീരി എയിൽ വെനീസിയക്കെതിരെ എഎസ് റോമക്ക് ഏകപക്ഷീയമായ ഒരു ഗോളിന്റെ തകർപ്പൻ വിജയം. പിയർ ലൂയിജി പെൻസോ സ്റ്റേഡിയത്തിൽ നടന്ന മത്സരത്തിൽ റോമയ്ക്ക് വേണ്ടി അർജന്റീന സൂപ്പർതാരം പൗലോ ഡിബാലയായിരുന്നു ഗോൾ നേടിയത്. മത്സരത്തിന്റെ രണ്ടാം പകുതിയിൽ 57ാം മിനിറ്റിൽ ലഭിച്ച പെനാൽറ്റി കൃത്യമായി ലക്ഷ്യത്തിലെത്തിച്ചു കൊണ്ടാണ് ഡിബാല റോമയ്ക്ക് വിജയം സമ്മാനിച്ചത്. 

ഡിബാല ഈ പെനാൽറ്റി കൂടി കൃത്യമായി ലക്ഷ്യത്തിലെത്തിച്ചതോടെ താരം നേടിയ പെനാൽറ്റി ഗോളുകളുടെ കണക്കുകളാണ് ഏറെ ശ്രദ്ധേയമാവുന്നത്. ഡിബാല എഎസ് റോമക്ക് വേണ്ടി നേടിയ എല്ലാ പെനാൽറ്റിയും കൃത്യമായി ഗോളാക്കി മാറ്റിയിട്ടുണ്ട്. 17 പെനാൽറ്റികളും ഒന്ന് പോലും പിഴക്കാതെ താരം ലക്ഷ്യത്തിൽ എത്തിക്കുകയായിരുന്നു. അർജന്റീന ദേശീയ ടീമിനൊപ്പവും ഡിബാലയുടെ ഈ മിന്നും പ്രകടനങ്ങൾ കാണാൻ സാധിക്കുമെന്നാണ് പ്രതീക്ഷിക്കുന്നത്. 

മത്സരത്തിൽ ബോൾ പൊസഷനിൽ എതിരാളികൾ ആയിരുന്നു മുന്നിട്ടുനിന്നിരുന്നത്. 64 ശതമാനം ബോൾ പൊസഷൻ കൈവശം വെച്ച ബെനഫിയ 12 ഷോട്ടുകളാണ് റോമയുടെ പോസ്റ്റിലേക്ക് എത്തിച്ചത്. ഇതിൽ മൂന്ന് ഷോട്ടുകളും ഓൺ ടാർഗെറ്റിലേക്ക് ആയിരുന്നു. റോമ 13 ഷോട്ടുകളും വെനീസിയയുടെ പോസ്റ്റിലേക്ക് ഉതിർത്തു. 

നിലവിൽ സിരി എ പോയിന്റ് പട്ടികയിൽ ഒമ്പതാം സ്ഥാനത്താണ് എഎസ് റോമ. 24 മത്സരങ്ങളിൽ നിന്നും 9 വിജയവും 7 സമനിലയും 8 തോൽവിയും അടക്കം 34 പോയിന്റാണ് റോമയുടെ കൈവശമുള്ളത്. 55 പോയിന്റോടെ നാ പോളി ഒന്നാം സ്ഥാനത്തും 51 പോയിന്റുമായി ഇന്റർ മിലാൻ രണ്ടാം സ്ഥാനത്തുമാണ് ഉള്ളത്.