കൊളത്തൂര്‍: സ്ഥിരം അപകടങ്ങള്‍  സംഭവിക്കുന്ന കുറുപ്പത്താല്‍ കല്ലുപാലത്തിങ്ങല്‍ വളവിലെ അപകടകരമായി റോഡിനു നടുവില്‍ സ്ഥിതി ചെയ്തിരുന്ന കുഴികളടച്ചു.
അപകടവളവു കടന്നു വരുന്ന വാഹനങ്ങള്‍ കുഴിയില്‍ വീഴുന്നതു നിത്യസംഭവമായിരുന്നു. റോഡിലെ കുഴി മൂലം പൊറുതിമുട്ടിയ സമീപ വാസികള്‍ ചേര്‍ന്നു റോഡില്‍ ചെടിനട്ടു പ്രതിഷേധിച്ചെങ്കിലും അധികൃതര്‍ യാതൊരു നടപടിയും കൈക്കൊണ്ടില്ല.
ഒഴിവു ദിവസമായ ഇന്നലെ ഗോള്‍ഡ് സ്റ്റാര്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ് പ്രവര്‍ത്തകര്‍ ചേര്‍ന്നു താല്‍ക്കാലികമായി കുഴികള്‍ അടക്കുകയായിരുന്നു. പ്രവര്‍ത്തനങ്ങള്‍ നടക്കുന്നതിനിടെ വഴിയാത്രക്കാരില്‍ നിന്നും സ്വരൂപിച്ച തുക ഡയാലിസിസ്  ചെയ്യുന്ന രോഗിക്ക് നല്‍കി ക്ലബ്ബിന്റെ പ്രവര്‍ത്തകര്‍ മാതൃകയായി.
പ്രവര്‍ത്തനങ്ങള്‍ക്കു ക്ലബ്ബ് സെക്രട്ടറി മജീദ്, നാഷനല്‍ ക്ലബ്ബ് സെക്രട്ടറി അനീസ്, മുജീബ്, മുനീര്‍, റിയാസ്, ഹാരിസ്, ആബിദ് തുടങ്ങിയവര്‍ നേതൃത്വം നെല്‍കി.