താമരശേരി: വെട്ടി ഒഴിഞ്ഞ തോട്ടം എസ്.എസ്.എം.യു.പി സ്‌കൂളില്‍ പൗള്‍ട്രി ക്ലബ് ഉദ്ഘാടനവും കട്ടിപ്പാറ പഞ്ചായത്തിന്റെ ആഭിമുഖ്യത്തില്‍ ക്ലബ് അംഗങ്ങള്‍ക്ക് ഗ്രാമശ്രീ കോഴികളും കോഴിത്തീറ്റയും മരുന്നുവിതരണവും നടത്തി.

പഞ്ചായത്ത് വൈസ് പ്രസിഡന്റ് നിധീഷ് കല്ലുള്ളതോട് ഉദ്ഘാടനം ചെയ്തു. വികസന കാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ മദാരി ജുവൈരിയ അധ്യക്ഷയായി. ഡോ. എ.സി മോഹന്‍ദാസ് പദ്ധതി വിശദീകരിച്ചു. കട്ടിപ്പാറ വെറ്ററിനറി സര്‍ജന്‍ ഡോ. എന്‍. അബ്ദുല്‍ നാസിര്‍ ക്ലാസെടുത്തു. മെംബര്‍ ഷാഹിം ഹാജി, പി.ടി.എ പ്രസിഡന്റ് ടി.എം ഇസ്മാഈല്‍ സംസാരിച്ചു. പി. ശ്യാമള സ്വാഗതവും സി.കെ സുബൈര്‍ നന്ദിയും പറഞ്ഞു.