ഗുരുവായൂര്‍: വീട്ടമ്മയെ ഭീഷണിപെടുത്തി പീഡിപ്പിച്ച യുവാവിനെ പൊലിസ് അറസ്റ്റു ചെയ്തു. കണ്ടാണശ്ശേരി ചൊവ്വല്ലുര്‍ വലിയകത്ത് വീട്ടില്‍ സദക്ക് (22) നെയാണ് ഗുരുവായൂര്‍ സി.ഐ. ബാലകൃഷ്ണന്‍, എ.എസ്.ഐ ശ്രീകുമാര്‍ എന്നിവരുടെ നേതൃത്വത്തില്‍ അറസ്റ്റ് ചെയ്തത്.
യുവതിയുടെ അകന്ന ബന്ധുവായ പ്രതി യുവതിയില്‍ നിന്നും സ്വര്‍ണം കടം വാങ്ങിയിരുന്നു.
പലപ്പോഴും സ്വര്‍ണം തിരികെ ചോദിച്ചിട്ടും പ്രതി മടക്കി നല്‍കിയില്ല. ഒരു ദിവസം രാത്രി സ്വര്‍ണം മടക്കി നല്‍കാമെന്ന് പറഞ്ഞ് യുവതിയുടെ വീട്ടിലെത്തി വാതില്‍ തുറക്കാന്‍ ആവശ്യപ്പെട്ടു.
വാതില്‍ തുറന്ന ഉടന്‍ പ്രതി യുവതിയെ പീഡിപ്പിക്കുകയായിരുന്നു. ഇക്കഴിഞ്ഞ ഏപ്രില്‍ മാസത്തിലായിരുന്നു കേസിനാസ്പദമായ സംഭവം നടന്നത്. ഗള്‍ഫിലായിരുന്ന ഭര്‍ത്താവിനെ വിവരം അറിയിച്ചതിനെ തുടര്‍ന്ന് ഭര്‍ത്താവ് നാട്ടിലെത്തി.
യുവതി ഭര്‍ത്താവിനും ബന്ധുക്കള്‍ക്കുമൊപ്പമെത്തി പൊലിസില്‍ പരാതി നല്‍കുകയായിരുന്നു. തുടര്‍ന്നാണ് അറസ്റ്റ്.
പ്രതിയെ ചാവക്കാട് കോടതിയില്‍ ഹാജരാക്കി റിമാന്‍ഡ് ചെയ്തു.