നെടുമ്പാശ്ശേരി: പെര്‍ഫ്യൂം ബോട്ടിലിനകത്ത് ഒളിപ്പിച്ച് കടത്താന്‍ ശ്രമിച്ച 27 ലക്ഷം രൂപ വിലവരുന്ന സ്വര്‍ണം നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ പിടികൂടി.

ഇന്നലെ രാവിലെ എയര്‍ അറേബ്യ വിമാനത്തില്‍ ഷാര്‍ജയില്‍ നിന്നെത്തിയ കോഴിക്കോട് സ്വദേശി ഷംസീറില്‍ (23) നിന്നാണ് സ്വര്‍ണം പിടികൂടിയത്. 920.500 ഗ്രാം സ്വര്‍ണമാണ് പിടികൂടിയത്. എട്ട് പെര്‍ഫ്യൂം ബോട്ടിലുകളുടെ അടപ്പുകളില്‍ ചെറിയ സ്വര്‍ണക്കട്ടികളുടെ രൂപത്തിലായാണ് സ്വര്‍ണം ഒളിപ്പിച്ചിരുന്നത്. കസ്റ്റംസ് അസി. കമ്മിഷണര്‍മാരായ കോശി അലക്‌സ്, ഇ.വി ശിവരാമന്‍, സുപ്രണ്ടുമാരായ എ. ഹബീബുല്ല, ലാല്‍ഫി ജോസഫ്, ജെനീഷ് എം. ജോര്‍ജ്, പി.ആര്‍ രജീഷ്, അജിത് ജോസ്, ഇന്‍സ്‌പെക്ടര്‍മാരായ വികേശ് കുമാര്‍, രാഖി കൃഷ്ണകുമാര്‍, ഷിജോ തോമസ്, എ. ജനാര്‍ദനന്‍, പി.എം റപ്പായി എന്നിവരാണ് പരിശോധനകള്‍ക്ക് നേതൃത്വം നല്‍കിയത്.