കരുവാരകുണ്ട്: നവോത്ഥാന മുന്നേറ്റം വിദ്യാഭ്യാസത്തിലൂടെയാണ് സാധ്യമാകുകയെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. ദാറുന്നജാത്ത് ഇസ്‌ലാമിക് സെന്റര്‍ 43-ാം വാര്‍ഷികാഘോഷങ്ങളുടെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുന്‍ഗാമികളായ മഹത്തുക്കളുടെ അധ്വാനഫലമാണ് നാമിന്ന് അനുഭവിക്കുന്നതെന്നും അവരുടെ പാതയില്‍ മൂല്യങ്ങള്‍ മുറുകെ പിടിച്ചു ജീവിക്കുന്നതിലാണ് ജീവിത വിജയമെന്നും തങ്ങള്‍ പറഞ്ഞു.
മന്ത്രി കെ. കൃഷ്ണന്‍കുട്ടി മുഖ്യാതിഥിയായി. സയ്യിദ് സ്വാദിഖലി ശിഹാബ് തങ്ങള്‍ അധ്യക്ഷനായി. പ്രൊഫ.കെ ആലിക്കുട്ടി മുസ്‌ലിയാര്‍, പി.കെ കുഞ്ഞാലിക്കുട്ടി എം.പി, പി.വി അബ്ദുല്‍ വഹാബ് എം.പി, പി. സൈതാലി മുസ്‌ലിയാര്‍, മൊയ്തീന്‍ ഫൈസി പുത്തനഴി, അബ്ദുല്‍ഹമീദ് ഫൈസി അമ്പലക്കടവ്, അഹമ്മദ് കബീര്‍ ബാഖവി കാാഞ്ഞര്‍, എ.പി അനില്‍കുമാര്‍ എം.എല്‍.എ, അഡ്വ. എം. ഉമ്മര്‍ എം.എല്‍.എ, സുലൈമാന്‍ ദാരിമി പ്രസംഗിച്ചു.
സമ്മേളന പരിപാടികള്‍ പതിനൊന്നിന് ഒ.കെ.കുഞ്ഞാപ്പ തങ്ങള്‍ പതാക ഉയര്‍ത്തിയതോടെയാണ് തുടക്കമായത്. സമസ്ത കേന്ദ്ര മുശാവറ അംഗം ഒ.കുട്ടി മുസ്‌ലിയാര്‍ സിയാറത്തിന് നേതൃത്വം നല്‍കി. എം.എം മുഹ്‌യിദ്ദീന്‍ മുസ്‌ലിയാര്‍ ആലുവ, എം. മൊയ്തീന്‍കുട്ടി ഫൈസി വാക്കോട്, എം.പി അബ്ദുസ്സമദ് സമദാനി , കുഞ്ഞമ്മദ് മുസ്‌ലിയാര്‍ , മൊയ്തീന്‍ ഫൈസി പുത്തനഴി, അബ്ദുല്‍ ഹമീദ് ഫൈസി അമ്പലക്കടവ് പ്രസംഗിച്ചു.
ഗള്‍ഫ് സംഗമം അഡ്വ: എം. ഉമ്മര്‍ എംഎല്‍എ ഉദ്ഘാടനം ചെയ്തു. ഉബൈദ് വണ്ടൂര്‍ അധ്യക്ഷനായി. കെ.കെ അബ്ദു ഹാജി, മുസ്തഫ ഹാജി ഖത്തര്‍, ജലീല്‍ ദാരിമി, റഷീദ് പന്തല്ലൂര്‍, ഒ.എം. ഇമ്പിച്ചിക്കോയ തങ്ങള്‍, ഡോ. ഇസ്ഹാഖ് , ടി.എച്ച് അബൂബക്കര്‍ സംസാരിച്ചു. 'നജാത്ത് എക്‌സ് പാറ്റ്‌സ് ഫാമിലി' എന്ന പേരില്‍ വിവിധ രാജ്യങ്ങളിലെ പ്രവാസി സംഘടനകളെ ഏകീകരിച്ചു. നജാത്ത് ഇംഗ്ലീഷ് മീഡിയം പുറത്തിറക്കിയ വഴിയൊരുക്കിയ യുഗപുരുഷന്‍ എന്ന സ്മരണിക കാളാവ് സൈദലവി മുസ്‌ലിയാര്‍ പ്രകാശനം ചെയ്തു.