മധുര: ശബരിമല ദര്‍ശനത്തിന് സാധിക്കാതെ തിരിച്ചുപോയ മനിതി സംഘത്തിന്റെ വാഹനത്തിനു നേരെ ആക്രമണം. തമിഴ്‌നാട്ടില്‍ വച്ചാണ് മനിതി സംഘം സഞ്ചരിച്ച വാനിന് നേരെ ആക്രമണമുണ്ടായത്.

തേനി- മധുര ദേശീയപാതയില്‍ വച്ചുണ്ടായ കല്ലേറില്‍ വാഹനത്തിന്റെ ചില്ല് തകര്‍ന്നു. തമിഴ്‌നാട് പൊലിസിന്റെ സുരക്ഷയിലാണ് ഇവര്‍ ചെന്നൈയിലേക്ക് മടങ്ങുന്നത്. സംഘത്തില്‍ ചിലര്‍ മധുരയില്‍ ഇറങ്ങും.

ഞായറാഴ്ച പുലര്‍ച്ചെ നിലയ്ക്കലിലെത്തിയ സംഘത്തിന് പമ്പയിലേക്ക് പോകാനായെങ്കിലും പിന്നീട് യാത്ര തുടരാനായിരുന്നില്ല. കനത്ത പ്രതിഷേധവും പൊലിസിന്റെ അനുനയിപ്പിക്കലും കാരണം സംഘം മടങ്ങുകയായിരുന്നു.