കൊച്ചി: ഫേസ്ബുക്ക് ഗ്രൂപ്പായ സാരി ഇന്‍ സ്‌റ്റൈലിന്റെ ആദ്യ കൂട്ടായ്മയായ 'സാരി സഖിയ സംഘ ്' നാളെ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. രാവിലെ 10ന് ഇന്റര്‍നാഷണല്‍ ഹോട്ടലില്‍ നടക്കുന്ന പരിപാടിയില്‍ കൂട്ടായ്മയിലെ അംഗങ്ങള്‍ നാലു റൗണ്ടുകളിലായി സാരികള്‍ ധരിച്ച് റാമ്പ് വാക്ക് നടത്തും. കര്‍ണാടക, തമിഴ്‌നാട്, മിഡില്‍ ഈസ്റ്റ് എന്നിവിടങ്ങളില്‍ നിന്നുള്ള ഗ്രൂപ്പ് അംഗങ്ങള്‍ പരിപാടിയില്‍ പങ്കെടുക്കും. ഖാദി വ്യവസായം പ്രോത്സാഹിപ്പിക്കുകയെന്ന ലക്ഷ്യത്തില്‍ ഇന്ന്  രാവിലെ 10ന് ജവഹര്‍നഗറിലെ പാഷന്‍ സ്റ്റുഡിയോയില്‍ കോട്ടണ്‍ കൈത്തറി സാരിയില്‍ സുംബ നൃത്തം അവതരിപ്പിക്കുമെന്നും സംഘാടകര്‍ അറിയിച്ചു. കൂട്ടായ്മ സ്വരൂപിച്ച തുക കാന്‍സര്‍ രോഗികള്‍ക്ക് വിഗ് നിര്‍മിച്ച് നല്‍കുന്ന സര്‍ഗക്ഷേത്ര ചാരിറ്റബിള്‍ ഫൗണ്ടേഷന് കൈമാറും.വാര്‍ത്താസമ്മേളനത്തില്‍ ജസീന ബക്കര്‍, ഹസീന, രേഖ, ശീതള്‍, ജസീറ,ബീമാ ബേനസീര്‍ എന്നിവര്‍  പങ്കെടുത്തു.