മലപ്പുറം: പുതിയ സമൂഹം പൂര്‍വികരുടെ പാത പിന്‍പറ്റാന്‍ തയാറാവണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. മലപ്പുറം കോട്ടുമല ഇസ്്‌ലാമിക് കോംപ്ലക്‌സ് മുപ്പതാം വാര്‍ഷിക സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. സമസ്ത ജനറല്‍ സെക്രട്ടറി പ്രൊഫ. കെ.ആലികുട്ടി മുസ്‌ലിയാര്‍ അധ്യക്ഷനായി.
കോട്ടുമല ബാപ്പു മുസ്‌ലിയാര്‍ സൗധം ഉദ്ഘാടനവും സദ്ധീഖീ ബിരുദദാനവും ഹൈദരലി ശിഹാബ് തങ്ങള്‍ നിര്‍വഹിച്ചു.
എം.ടി അബ്ദുല്ല മുസ്‌ലിയാര്‍ സനദ് ദാന പ്രഭാഷണം നടത്തി . സമസ്ത കേന്ദ്ര മുശാവറ അംഗം വാക്കോട് മൊയ്തീന്‍ കുട്ടി ഫൈസി, ഒ.ടി മൂസ മുസ്‌ലിയാര്‍, കോട്ടുമല മൊയ്തീന്‍ കുട്ടി മുസ്‌ലിയാര്‍, അബ്ദുറഹ്മാന്‍ ഫൈസി കടുങ്ങല്ലൂര്‍ , ഉബൈദുള്ള എം.എല്‍.എ, എ.പി അനില്‍കുമാര്‍ എം.എല്‍.എ, ഹംസ ഫൈസി നെല്ലൂര്‍, സയ്യിദ് ഹാശിറലി ശിഹാബ് തങ്ങള്‍, കാടാമ്പുഴ മൂസ ഹാജി, ളിയാഉദ്ധീന്‍ ഫൈസി, മുഹമ്മദലി ശിഹാബ് ഫൈസി കൂമണ്ണ, ഉമര്‍ ഫൈസി മുടിക്കോട്, കാളാവ് സൈദലവി മുസ്‌ലിയാര്‍, കുട്ടി മൗലവി വേങ്ങര, അസീസ് ഫൈസി അരിപ്ര, നൗഷാദ് മണ്ണിശ്ശേരി തുടങ്ങിയവര്‍ പ്രസംഗിച്ചു.
ദിക്ര്‍ ദുആ മജ്‌ലിസിന് ഏലംകുളം ബാപ്പു മുസ്‌ലിയാര്‍ നേതൃത്വം നല്‍കി. ആനമങ്ങാട് മുഹമ്മദ് കുട്ടി ഫൈസി ഉദ്‌ബോധനം നടത്തി. സുലൈമാന്‍ ഫൈസി ചുങ്കത്തറ സ്വാഗതവും അശ്‌റഫ് ഫൈസി പെരിമ്പലം നന്ദിയും പറഞ്ഞു.