തിരുവനന്തപുരം: കാര്‍ഷിക വികസന കര്‍ഷകക്ഷേമ വകുപ്പ് ചിങ്ങം ഒന്നിന് സംസ്ഥാനത്തൊട്ടാകെയുള്ള കൃഷിഭവനുകളില്‍ കര്‍ഷകദിനമായി ആഘോഷിക്കുന്നതിന്റെ ഭാഗമായുളള സംസ്ഥാനതല കര്‍ഷകദിനാഘോഷവും കര്‍ഷക അവാര്‍ഡ് ദാനവും തിരുവനന്തപുരത്ത് ടാഗോര്‍ തിയറ്ററില്‍ 16ന് നടത്തും.
കൃഷിവകുപ്പ് മന്ത്രി വി.എസ് സുനില്‍കുമാറിന്റെ അധ്യക്ഷതയില്‍ കൂടുന്ന കര്‍ഷകദിനാഘോഷം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മന്ത്രിമാരായ കടകംപ്ള്ളി സുരേന്ദ്രന്‍, കെ. രാജു, ഇ. ചന്ദ്രശേഖരന്‍, കടന്നപ്പള്ളി രാമചന്ദ്രന്‍, മാത്യു ടി തോമസ്, തോമസ്ചാണ്ടി തുടങ്ങിയവര്‍ പങ്കെടുക്കും.