ജിദ്ദ: ഹജ്ജ് ഉംറ തീര്‍ഥാടകരുടെ യാത്രാ സേവനം മെച്ചപ്പെടുത്താന്‍ പദ്ധതി ആവിഷ്‌ക്കരിക്കുന്നു. രണ്ടായിരത്തി മുപ്പതോടെ മൂന്ന് കോടി ഉംറ തീര്‍ഥാടകരെ ഉള്‍ക്കൊള്ളാവുന്ന തരത്തില്‍ യാത്രാ സൗകര്യം വികസിപ്പിക്കുകയാണ് ലക്ഷ്യം. ഇതിനായി കൂടുതല്‍ വിമാന സര്‍വീസുകള്‍ തുടങ്ങാനാണ് പദ്ധതി.

ഹജ്ജ് മന്ത്രി ഡോ. മുഹമ്മദ് ബിന്ദനും സിവില്‍ ഏവിയേഷന്‍ അതോറിറ്റി മേധാവി അബ്ദുല്‍ ഹഖീം അല്‍തമീമിയുമാണ് ചര്‍ച്ച നടത്തിയത്.മക്കയിലെ ഹജ്ജ് മന്ത്രി ഓഫിസില്‍ വെച്ച് വിഷ്വന്‍ 2030 ലക്ഷ്യമിട്ട് കൂടുതല്‍ ഉംറ തീര്‍ഥാടകരെ സ്വീകരിക്കാനാണ് പദ്ധതി. 2030 ഓടെ 30 ദശലക്ഷം ഉംറ തീര്‍ഥാടകരെ സ്വീകരിക്കാനാണ് ഭരണകൂടത്തിന്റെ ലക്ഷ്യം. ഇതിനുള്ള സംയുക്ത പദ്ധതി തയ്യാറാക്കാനും ധാരണയായി.

കൂടുതല്‍ തീര്‍ഥാടകരെ സ്വീകരിക്കുന്നതില്‍ വിമാന യാത്ര വ്യവസ്ഥാപിതമക്കുന്നതില്‍ വലിയ പങ്കുണ്ടെന്ന് ഹജ്ജ് മന്ത്രി പറഞ്ഞു. ഹജ്ജ് ഉംറ സീസണുകളില്‍ കൂടുതല്‍ വിമാന സര്‍വീസുകളും സീറ്റുകളുടെ എണ്ണവും കൂട്ടുമെന്നും സിവില്‍ ഏവിയേഷന്‍ അതോറിറ്റി മേധാവി പറഞ്ഞു.