തൃപ്രയാര്‍: സമൂഹ മാധ്യമങ്ങളിലൂടെ തെറ്റായ വാര്‍ത്തകള്‍ പ്രചരിപ്പിച്ച് ജനങ്ങളില്‍ അരക്ഷിതാബോധം സൃഷ്ടിക്കുന്ന ചിദ്രശക്തികള്‍ക്കെതിരെ സമൂഹം ജാഗ്രത പുലര്‍ത്തണമെന്ന് സമസ്ത കേരള മദ്‌റസ മാനേജ്മന്റ് അസോസിയേഷന്‍ പ്രസിഡന്റ് സി.എ.മുഹമ്മദ് റഷീദ് അഭിപ്രായപ്പെട്ടു.
സമസ്ത കേരള മദ്‌റസ മാനേജ്മന്റ് അസോസിയേഷന്‍ നാട്ടിക റെയ്ഞ്ച് കമ്മിറ്റി കോതകുളം ഹയാത്തുല്‍ ഇസ്‌ലാം മദ്‌റസ ഹാളില്‍ സംഘടിപ്പിച്ച സ്‌നേഹസ്പര്‍ശം പദ്ധതി ഉദ്ഘാടനം ചെയ്യുകയായിരുന്നു അദ്ദേഹം.
മാനേജ്മന്റ് അസോസിയേഷന്‍ ജനറല്‍ സെക്രട്ടറി പി.എച്ച്.സൈനുദ്ദീന്‍ അധ്യക്ഷനായി. ജംഇയത്തുല്‍ മുഅല്ലമീന്‍ റെയ്ഞ്ച് ജനറല്‍ സെക്രട്ടറി പി.പി.മുസ്തഫ മുസ്്‌ലിയാര്‍ മുഖ്യ പ്രഭാഷണം നടത്തി. ആദം വലപ്പാട്, ആര്‍.ഐ. സക്കരിയ, റാസിഖ് ബ്യൂടിസില്‍ക്, ഖത്തീബുമാരായ സിദ്ദീഖ് ബാഖവി നാട്ടിക, ജെറീദ് ദാരിമി കരയാവട്ടം, അശറഫ് അശറഫി വലപ്പാട്, അനസ് റഹ്മാനി ചാലുകുളം, സുന്നീ മഹല്ല് അസോസിയേഷന്‍ നാട്ടിക മേഖലാ പ്രസിഡന്റ് പി.കെ.ഷൗഖത്തലി, സെക്രട്ടറി ബാപ്പു വലപ്പാട്, മദ്‌റസ മാനേജ്മന്റ് അസോസിയേഷന്‍ ഭാരവാഹികളായ എ.എ.അബ്ദുല്ല കുട്ടി, വി.എ.ഇസ്മായില്‍ സംസാരിച്ചു.