റിയാദ്: ജിദ്ദയില്‍ മലപ്പുറം സ്വദേശിയെ ഉറക്കത്തില്‍ മരണപ്പെട്ട നിലയില്‍ കാണപ്പെട്ടു. മലപ്പുറം പുലാമന്തോള്‍ കട്ടുപ്പാറ സ്വദേശി ശബീര്‍ പള്ളത്ത് (26) നെയാണ് ഉറക്കത്തില്‍ മരണപ്പെട്ട നിലയില്‍ കണ്ടെത്തിയത് .ഹൃദയാഘാതം മൂലമായിരുന്നു മരണം.

ഒന്നര വര്‍ഷമായി സഊദിയില്‍ ഉള്ള ഇദ്ദേഹം മൂന്നു മാസമായി ജിദ്ദയിലെ ഹിന്താവിയയില്‍ പൂക്കടയില്‍ ജോലി ചെയ്ത് വരികയായിരുന്നു.

അവിവാഹിതനാണ്.റഷീദ്-സഫിയ ദമ്പതികളുടെ മകനാണ്.

മഹജര്‍ ഹോസ്പിറ്റലിലേക്ക് മാറ്റിയ മൃതദേഹം നിയമ നടപടികള്‍ക്ക് ശേഷം ഇവിടെ മറവ് ചെയ്യും.