കൊല്ലം: സാമൂഹ്യ പരിഷ്‌കര്‍ത്താവ് അയ്യങ്കാളിയുടെ ജയന്തി നാടെങ്ങും വിവിധ സംഘടനകളുടെ നേതൃത്വത്തില്‍ ആഘോഷിച്ചു.
കേരളത്തിന്റെ സാംസ്‌കാരിക ബോധത്തിനും നവോത്ഥാനത്തിനും തിരികൊളുത്തിയ മഹാനാണ് അയ്യങ്കാളിയെന്നും ജാതി കോമരങ്ങള്‍ ഉറഞ്ഞുതുള്ളിയ ചുറ്റുപാടുകളില്‍ നിന്നും വിമോചനത്തിന്റെ പുതിയ കാഹളങ്ങള്‍ ഉയര്‍ത്തുവാനും സാമൂഹികപരമായ പരിവര്‍ത്തനത്തിന് തുടക്കം കുറിക്കുവാനും അദ്ദേഹത്തിന് കഴിഞ്ഞുവെന്നും ഡി.സി.സി പ്രസിഡന്റ് ബിന്ദുകൃഷ്ണ പറഞ്ഞു.
അയ്യങ്കാളി പ്രതിമയ്ക്ക് മുന്നില്‍ പുഷ്പാര്‍ച്ചന നടത്തിയശേഷം സംസാരിക്കുകയായിരുന്നു അവര്‍. എസ് വിപിനചന്ദ്രന്‍, സൂരജ് രവി, ജി ജയപ്രകാശ്, പ്രസാദ് നാണപ്പന്‍, ആര്‍ രാജ്‌മോഹന്‍, ആര്‍ രമണന്‍, ജോണ്‍സണ്‍, ശശിധരന്‍പിള്ള, മംഗലത്ത് രാഘവന്‍നായര്‍ സംസാരിച്ചു.