തൃപ്രയാര്‍: തൃപ്രയാര്‍ നാട്ടിക മര്‍ച്ചന്റ്‌സ് അസോസിയേഷന്‍ സമ്മേളനവും വിദ്യാഭ്യാസ അവാര്‍ഡ് വിതരണവും 17ന് നടത്തുമെന്ന് ഭാരവാഹികള്‍ അറിയിച്ചു. ഉച്ചക്ക് രണ്ടിന് തൃപ്രയാര്‍ വ്യാപാരഭവനില്‍ നടക്കുന്ന സമ്മേളനം കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് കെ.വി അബ്ദുള്‍ ഹമീദ് ഉദ്ഘാടനം ചെയ്യും. ഗീതാഗോപി എം.എല്‍.എക്ക് സമ്മേളനത്തില്‍ സ്വീകരണം നല്‍കും. ഏകോപന സമിതി ജില്ലാ ജനറല്‍ സെക്രട്ടറി എന്‍.ആര്‍ വിനോദ്കുമാര്‍ മുഖ്യപ്രഭാഷണം നടത്തും. മികച്ച വിജയം നേടിയ 45 കുട്ടികള്‍ക്ക് വിദ്യാഭ്യാസ അവാര്‍ഡുകള്‍ സമ്മാനിക്കും. അസോസിയേഷന്‍ അംഗങ്ങളില്‍ മരിച്ചുപോയ രണ്ട് പേരുടെ കുടുംബങ്ങള്‍ക്ക് സഹായവും ചടങ്ങില്‍ വിതരണം ചെയ്യുമെന്നും ഭാരവാഹികള്‍ അറിയിച്ചു. അസോസിയേഷന്‍ പ്രസിഡന്റ് പി.എസ് ജയരാജന്‍ തമ്പി, എ.എസ് ഹരിദാസ്, കെ.കൃഷ്ണമൂര്‍ത്തി, എ.കെ കുമാരന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.