ചേളാരി: സമസ്ത കേരള ജംഇയ്യത്തുല്‍ ഉലമയുടെ മുന്നണി പോരാളിയും സുന്നി ബാലവേദി ശില്‍പിയുമായ കെ.ടി മാനു മുസ്‌ലിയാര്‍ അനുസ്മരണ സമ്മേളനം 'ഓര്‍മയില്‍ മായാത്ത കെ.ടി ഉസ്താദ് ' 28ന് രാവിലെ പത്തിന് പാലക്കാട് പട്ടാമ്പി കോണ്ടൂര്‍ക്കര ദാറുല്‍ ഹിദായ ഇസ്‌ലാമിക് സെന്ററില്‍ നടക്കും.
സമസ്ത കേരള ജംഇയ്യത്തുല്‍ ഉലമ ട്രഷറര്‍ സി.കെ.എം സ്വാദിഖ് മുസ്‌ലിയാര്‍ സമ്മേളനം ഉദ്ഘാടനം ചെയ്യും. എസ്.കെ.എസ്.ബി.വി സംസ്ഥാന പ്രസിഡന്റ് പാണക്കാട് സയ്യിദ് അസീല്‍അലി ശിഹാബ് തങ്ങള്‍ അധ്യക്ഷനാകും.
അബ്ദുല്‍ ഹമീദ് ഫൈസി അമ്പലടക്കവ്, മൊയ്തീന്‍കുട്ടി ഫൈസി വാക്കോട്, സി. ഹംസ, ഒ.എം കരുവാരക്കുണ്ട്, അബ്ദുറഹ്മാന്‍ മുസ്‌ലിയാര്‍ കൊടക്, എം.എ ചേളാരി, കെ.ടി ഹുസൈന്‍ കുട്ടി മുസ്‌ലിയാര്‍, അബ്ദുല്‍ ഖാദര്‍ അല്‍ ഖാസിമി തുടങ്ങിയവര്‍ സംബന്ധിക്കും. സംസ്ഥാന കമ്മിറ്റിയുടെ നേതൃത്വത്തില്‍ റെയ്ഞ്ച്-യൂനിറ്റ് കേന്ദ്രങ്ങളില്‍ അനുസ്മരണ സമ്മേളനങ്ങളും പ്രാര്‍ഥനാ സദസും സംഘടിപ്പിക്കും.