മുക്കം: ഗെയില്‍ വിരുദ്ധ സമരം നടക്കുന്ന കോഴിക്കോട് എരഞ്ഞിമാവില്‍ സമരസമിതി പ്രവര്‍ത്തകര്‍ ഇന്ന് മുക്കം പൊലിസ് സ്റ്റേഷനിലേക്ക് മാര്‍ച്ച് നടത്തും. കഴിഞ്ഞ ദിവസം നിരവധി പേരെ പൊലിസ് കസ്റ്റഡിയിലെടുത്തിരുന്നു. ഇവരെ വിട്ടയക്കണമെന്നാണ് സമരസമിതിയുടെ ആവശ്യം.

അതേസമയം, ഗെയില്‍ വിരുദ്ധസമരത്തില്‍ പ്രദേശവാസികളെ വേട്ടയാടിയ പൊലിസ് നടപടിയില്‍ പ്രതിഷേധിച്ച് തിരുവമ്പാടി നിയോജക മണ്ഡലത്തില്‍ യു.ഡി.എഫ് ഇന്നലെ നടത്തിയ ഹര്‍ത്താല്‍ പൂര്‍ണമായിരുന്നു. ഹര്‍ത്താലിനോടനുബന്ധിച്ച് തിരുവമ്പാടിയില്‍ യു.ഡി.എഫ് നടത്തിയ പ്രകടനത്തില്‍ വന്‍ ജനകീയ പങ്കാളിത്തമുണ്ടായി.

പൈപ്പ് ലൈന്‍ പദ്ധതിയുമായി മുന്നോട്ടു പോകുമെന്ന് ഗെയില്‍ അധികൃതര്‍ വ്യക്തമാക്കി. ഗെയില്‍ കേരളത്തിന്റെ വികസനപദ്ധതിയാണെന്നും വികസപ്രവര്‍ത്തികള്‍ക്ക് എത്രനാള്‍ വേണമെങ്കിലും സംരക്ഷണം നല്‍കുമെന്നും ഡി.ജി.പി ലോക്‌നാഥ് ബെഹ്‌റ പറഞ്ഞു.

ഗെയില്‍ വിരുദ്ധസമരത്തിനു പിന്തുണനല്‍കാനായി കെ.പി.സി.സി മുന്‍ പ്രസിഡന്റ് വി.എം സുധീരനും എം.പി കുഞ്ഞാലിക്കുട്ടിയും ഇന്ന് എരഞ്ഞിമാവില്‍ എത്തും.