കോഴിക്കോട്: ഗെയില്‍ വിരുദ്ധ സമരത്തില്‍ സമരസമിതിയെ ചര്‍ച്ചയ്ക്ക് ക്ഷണിച്ച് സര്‍ക്കാര്‍. വ്യവസായ മന്ത്രി എ.സി മൊയ്തീനാണ് ചര്‍ച്ചയ്ക്ക് ക്ഷണിച്ചത്. നവംബര്‍ ആറിന് കലക്ടറേറ്റില്‍ വച്ചാണ് സര്‍വകക്ഷിയോഗം.

ഗെയിലിനെതിരായ സമരം രൂക്ഷമായതിനെത്തുടര്‍ന്ന് കഴിഞ്ഞ ദിവസം സമരക്കാര്‍ക്കെതിരേയുള്ള പൊലിസ് നടപടി ഏറെ പ്രതിഷേധത്തിനിടയാക്കിയിരുന്നു. നിരവധി പ്രവര്‍ത്തകര്‍ക്ക് ലാത്തി വീശിയതിനെത്തുടര്‍ന്ന് പരുക്കേറ്റിരുന്നു. നിരപരാധികളെ വീട്ടില്‍ കയറി പൊലിസ് കസ്റ്റഡിയിലെടുത്തിരുന്നു. പ്രശ്‌നം രൂക്ഷമായതിനെത്തുടര്‍ന്നാണ് സര്‍ക്കാര്‍ ചര്‍ച്ചയ്ക്ക് തയാറായത്.