തിരുവനന്തപുരം: ഗതാഗത മന്ത്രിയുടെ ഭൂമി കൈയേറ്റവുമായി ബന്ധപ്പെട്ട് വിജിലന്‍സ് അന്വേഷണത്തിനു കോടതിയുടെ ഉത്തരവ് ലഭിച്ചിട്ടില്ലെന്നും ഉത്തരവ് ലഭിച്ച ഉടന്‍ അന്വേഷണം ആരംഭിക്കുമെന്നും ഡി.ജി.പി ലോക്‌നാഥ് ബെഹ്‌റ അറിയിച്ചു.

ചൊവ്വാഴ്ചയോ ബുധനാഴ്ചയോ ഉത്തരവ് കിട്ടുമെന്നാണ് പ്രതീക്ഷിക്കുന്നത്. അന്വേഷണം സമയബന്ധിതമായി പൂര്‍ത്തിയാക്കുമെന്നും അദ്ദേഹം പറഞ്ഞു. തോമസ് ചാണ്ടിയുടെ ഭൂമി കൈയേറ്റം ഉള്‍പ്പെടെയുള്ള നിയമലംഘനങ്ങള്‍ അന്വേഷിക്കണമെന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തലയാണ് വിജിലന്‍സ് ഡയറക്ടര്‍ക്ക് കത്ത് നല്‍കിയത്.