കൊച്ചി: തിരുവിതാംകൂര്‍ ദേവസ്വം ബോര്‍ഡ് പ്രസിഡന്റിനെയും അംഗത്തെയും ഒഴിവാക്കിയതിനെതിരായ ഹരജിയില്‍ തല്‍സ്ഥിതി തുടരാന്‍ ഹൈക്കോടതി ഉത്തരവിട്ടു. ഇന്നലെ ഹരജി പരിഗണനയ്‌ക്കെടുത്തപ്പോള്‍ പുതിയ ഭാരവാഹികള്‍ ചുമതലയേറ്റെന്ന് എ.ജി കോടതിയില്‍ ബോധിപ്പിച്ചു.
തിരുവിതാംകൂര്‍ ദേവസ്വം ബോര്‍ഡ് പ്രസിഡന്റായി എ. പത്മകുമാറും ബോര്‍ഡംഗമായി കെ.പി ശങ്കരദാസുമാണ് ചുമതലയേറ്റത്. ഹൈക്കോടതി ഉത്തരവിന് മുന്‍പ് ചുമതലയേറ്റ സാഹചര്യത്തില്‍ ഇരുവര്‍ക്കും തുടരാനാകും. ഓര്‍ഡിനന്‍സിലൂടെ ദേവസ്വം ബോര്‍ഡ് ഭരണസമിതിയുടെ കാലാവധി രണ്ടു വര്‍ഷമായി വെട്ടിക്കുറച്ചതിനെതിരേ തിരുവിതാംകൂര്‍ ദേവസ്വം പ്രസിഡന്റ് പ്രയാര്‍ ഗോപാലകൃഷ്ണന്‍, ബോര്‍ഡംഗം അജയ് തറയില്‍ എന്നിവര്‍ നല്‍കിയ ഹരജിയിലാണ് ഹൈക്കോടതിയുടെ ഇടക്കാല ഉത്തരവ്.