ചണ്ഡിഗഡ്: ഓടിക്കൊണ്ടിരിക്കുന്ന ഓട്ടോയില്‍ 22 കാരി കൂട്ട ബലാത്സംഗത്തിനിരയായി. പഞ്ചാബിലെ ചണ്ഡിഗഡിലെ സെക്ടര്‍ 53ലാണ് സംഭവം.
മൊഹാലിയില്‍ നിന്നും ചണ്ഡിഗഡിലെ സെക്ടര്‍ 37ലേക്ക് ഓട്ടോറിക്ഷയില്‍ യാത്ര ചെയ്യുകയായിരുന്നു പെണ്‍കുട്ടി. ക്ലാസു കഴിഞ്ഞ് മൊഹാലിയിലെ താമസ സ്ഥലത്തേക്ക് ഓട്ടോയില്‍ മടങ്ങുകയായിരുന്നു പെണ്‍കുട്ടി. ഓട്ടോയിലുണ്ടായിരുന്നവരാണ് ബലാല്‍സംഗം ചെയ്തത്. ഷെയര്‍ ഓട്ടോയിലായിരുന്നു യാത്ര. ഇന്ധനം നിറക്കാനെന്ന വ്യാജേന വാഹനം വഴിതിരിച്ചുവിട്ട ഡ്രൈവറും ഓട്ടോയിലുണ്ടായിരുന്ന മറ്റു രണ്ടുപേരും ചേര്‍ന്ന് സെക്ടര്‍ 53 ലെ ഒരു കാട്ടിലേക്ക് വലിച്ചിഴച്ച ശേഷമാണ് ബലാത്സംഗം ചെയ്തത്. അബോധാവസ്ഥയിലായിരുന്ന പെണ്‍കുട്ടിയെ അതുവഴി വന്ന ബൈക്ക് യാത്രികരാണ് രക്ഷപ്പെടുത്തിയത്. സെക്ടര്‍ 53 ലെ ഒരു കാട്ടില്‍ നിന്നാണ് ബലാല്‍സംഗം ചെയ്യപ്പെട്ട നിലയില്‍ പെണ്‍കുട്ടിയെ കണ്ടെടുക്കുന്നത്.