മസ്കത്ത്:ഒമാനിൽ 2024 ജനുവരി 9 വരെ മഴയ്ക്ക് സാധ്യതയുണ്ടെന്ന് ഒമാൻ ദേശീയ കാലാവസ്ഥാ കേന്ദ്രം അറിയിച്ചു. 2024 ജനുവരി 5-നാണ് ഒമാൻ ദേശീയ കാലാവസ്ഥാ കേന്ദ്രം ഇക്കാര്യം അറിയിച്ചത്.

ഈ അറിയിപ്പ് പ്രകാരം, 2024 ജനുവരി 6 ശനിയാഴ്ച്ച വൈകീട്ട് മുതൽ ജനുവരി 9, ചൊവ്വാഴ്ച്ച രാവിലെ വരെ ഒമാന്റെ വിവിധ മേഖലകളിൽ ഇടിയോട് കൂടിയ മഴയ്ക്ക് സാധ്യതയുള്ളതായാണ് കാലാവസ്ഥാ കേന്ദ്രം അറിയിച്ചിരിക്കുന്നത്. മഴ മൂലം വിവിധ ഇടങ്ങളിൽ വെള്ളത്തിന്റെ കുത്തൊഴുക്കിന് സാധ്യതയുണ്ട്.

ഈ കാലയളവിൽ അൽ വുസ്ത, ദോഫാർ ഗവർണറേറ്റുകളിൽ ഇടിയോട് കൂടിയ ഒറ്റപ്പെട്ട മഴ, ശക്തമായ കാറ്റ് എന്നിവ അനുഭവപ്പെടാനിടയുണ്ട്. സൗത്ത് അൽ ശർഖിയ, നോർത്ത് അൽ ശർഖിയ, അൽ ദാഖിലിയ. മസ്‌കറ്റ്, സൗത്ത് അൽ ബതീന തുടങ്ങിയ മേഖലകളിലും മഴയ്ക്ക് സാധ്യതയുണ്ട്.

Content Highlights:Chance of rain with thunder in Oman till January 9