റമദാൻ: വ്യാപാര സ്ഥാപനങ്ങളിൽ പരിശോധന കർശനമാക്കി സഊദി

ജി​ദ്ദ: റമദാൻ അടുത്തതോടെ വ്യാപാര സ്ഥാപനങ്ങളിൽ പരിശോധന ശക്തമാക്കി സഊദി വാണിജ്യ മന്ത്രാലയം. മക്കയിലും മദീനയിലുമാണ് പ്രധാനമായും പരിശോധനകൾ നടക്കുന്നത്. ഒ​രു മാ​സ​ത്തി​നു​ള്ളി​ൽ 4,953 പ​രി​ശോ​ധ​ന​ക​ളാ​ണ്​ മ​ന്ത്രാ​ല​യ​ത്തി​നു​​കീ​ഴി​ലെ ഫീ​ൽ​ഡ്​ ടീം ​ന​ട​ത്തി​യ​ത്. ബ​ന്ധ​പ്പെ​ട്ട വ​കു​പ്പു​ക​ളു​ടെ സ​ഹ​ക​ര​ണ​ത്തോ​ടെ​യാ​ണി​ത്.

വ്യാ​പാ​ര സ്ഥാ​പ​ന​ങ്ങ​ൾ ച​ട്ട​ങ്ങ​ൾ പാ​ലി​ക്കു​ന്നു​ണ്ടോ​യെ​ന്ന് പ​രി​ശോ​ധി​ക്കാ​ൻ ക​ട​ക​ൾ, മൊ​ത്ത​വ്യാ​പാ​ര മാ​ർ​ക്ക​റ്റു​ക​ൾ, വെ​യ​ർ​ഹൗ​സു​ക​ൾ, ജ്വ​ല്ല​റി​ക​ൾ എ​ന്നി​വി​ട​ങ്ങ​ളി​ലാണ് പരിശോധനകൾ തുടരുന്നത്. മ​ക്ക, മ​ദീ​ന റോ​ഡു​ക​ളി​ലെ സേ​വ​ന​കേ​ന്ദ്ര​ങ്ങ​ൾ, ഗ്യാ​സ് സ്​​റ്റേ​ഷ​നു​ക​ൾ, കാ​ർ ട​യ​ർ, ഓ​യി​ൽ സ്​​റ്റോ​റു​ക​ൾ എ​ന്നി​വ നി​രീ​ക്ഷി​ക്കു​ന്ന​തി​നാ​യി വാ​ണി​ജ്യ മ​ന്ത്രാ​ല​യ​ത്തി​​ന്‍റെ പ്ര​ത്യേ​ക സം​ഘ​വും രം​ഗ​ത്തു​ണ്ട്. ഓ​ഫ​റു​ക​ളു​ടെ​യും കി​ഴി​വു​ക​ളു​ടെ​യും സാ​ധു​ത, ച​ര​ക്കു​ക​ളു​ടെ​യും ഉ​ൽ​പ്പ​ന്ന​ങ്ങ​ളു​ടെ​യും ഗു​ണ​നി​ല​വാ​രം എ​ന്നി​വ​യും പ​രി​ശോ​ധി​ക്കു​ന്നു​ണ്ട്.

ഉ​പ​ഭോ​ക്താ​ക്ക​ളു​ടെ ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​യി അ​ടി​സ്ഥാ​ന ഭ​ക്ഷ​ണ​വി​ഭ​വ​ങ്ങ​ളു​ടെ വി​ത​ര​ണ​ത്തി​നു​ള്ള സ്​​റ്റോ​ക്കു​ക​ളു​ടെ ല​ഭ്യ​ത മ​ന്ത്രാ​ല​യം നി​രീ​ക്ഷി​ച്ചു. കൂ​ടാ​തെ വി​ത​ര​ണ​ക്കാ​രി​ലൂ​ടെ ആ​വ​ശ്യ​മാ​യ ഉ​ൽ​പ​ന്ന​ങ്ങ​ൾ വി​ത​ര​ണം ചെ​യ്യ​പ്പെ​ടു​ന്നു​ണ്ടോ​യെ​ന്ന്​ പ​രി​ശോ​ധി​ക്കു​ക​യും ആ​ളു​ക​ളു​ടെ ആ​വ​ശ്യ​ത്തെ ബാ​ധി​ക്കു​ന്ന ഏ​തെ​ങ്കി​ലും ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ ന​ട​പ​ടി സ്വീ​ക​രി​ക്കു​ക​യും ചെ​യ്​​തു.