അഞ്ചരക്കണ്ടി: ചാലുപറമ്പ് റിഫായി മസ്ജിദിന് സമീപം കടയിലേക്ക് ഓട്ടോറിക്ഷ പാഞ്ഞുകയറി രണ്ടു പേര്‍ക്ക് പരുക്ക്. വേങ്ങാട് ചാലുപറമ്പ് റുബിന മന്‍സില്‍ മുഹമ്മദലി(31), റഷിദാ മന്‍സില്‍ മുഹമ്മദലി(58) എന്നിവര്‍ക്കാണ് പരുക്കേറ്റത്. ഇവര്‍ അഞ്ചരക്കണ്ടി മെഡിക്കല്‍ കോളജില്‍ ചികില്‍സ തേടി.ഇന്നലെ രാത്രി ഏഴുമണിയോടെ കട വരാന്തയില്‍ നില്‍ക്കുകയായിരുന്ന ഇവരുടെ നേരെ കീഴല്ലൂര്‍ ഭാഗത്തുനിന്നും വരികയായിരുന്ന ഓട്ടോറിക്ഷ ഇടിച്ചുകയറുകയായിരുന്നു.