മണ്ണഞ്ചേരി: വീട്ടിലെ പോര്‍ച്ചില്‍ സൂക്ഷിച്ചിരുന്ന ബൈക്ക് കത്തിച്ച സംഭവത്തിലെ പ്രതിയെ പോലീസ് പിടികൂടി.മണ്ണഞ്ചേരി 12ാം വാര്‍ഡ് നായ്ക്കാം വെളി വീട്ടില്‍ മുകേഷ് (36)ആണ് പിടിയിലായത്.
കോടതില്‍ ഹാജരാക്കിയ ഇയാളെ റിമാന്റ് ചെയ്തു.കഴിഞ്ഞ 30ന് പുലര്‍ച്ചെ 2:30നായിരുന്നു സംഭവം. ഇടിയാംവെളിയില്‍ രതീഷ്‌കുമാറിന്റെ ബൈക്കാണ് കത്തിച്ചത്.
  നിരവധി കേസിലെ പ്രതിയായ മുകേഷിനെ പോലീസ് പലതവണ അന്വേഷിച്ച് എത്തിയിരുന്നു.ഇതിന് പിന്നില്‍ രതീഷ്‌കുമാറാണെന്ന് സംശയിച്ചാണ് പ്രതി ബൈക്ക് കത്തിച്ചതെന്ന് പോലീസ് പറഞ്ഞു.എസ്.ഐ രാജന്‍ ബാബുവിന്റെ നേതൃത്വത്തിലുള്ള പൊലീസാണ് പ്രതിയെ പിടികൂടിയത്.